صور ولوحات حسينية ::::: للشاعر احمد رفيش

[احمد رفيش]

رحت فد يوم اواسي الزهرة بالمجلس ....... وشفت كلبي طلع كدامي يتعنة
وصلت هناك شفت الكلب بيه عيون ........ للمنبر توجـــــــــه صار يتمنة
يسكت فوك عتبة منبر المضلوم ..... وصمام النبض جالصوت الة بونــــة
يصيح بصوت يحسين النبض بية ..... مايسكت ابد للدوم دايم هالنبض منة
**********************



يالتكتب تريد اتوضح الخـــــــوة ......عمرك يخلص وتتعب ترة اقلامــــــك
واذا تبحث عليها تتعب انت هــــــواي ......اكصد كربلة وتلكاها كدامــــــك
اكصد كربلة وهم زور ابو السجاد ....... وعاين للمناير واطرد الامـــــــــك
تلكاها المناير بالاصــــــل جفين ...... مـــــــو اوحلام لــــــوعبالك اوهامك
هاي جفـــــوف عباس الكمر لحسين ....... صارلة المناير حيا اسلامـــــــك
واريد بعينك اتركز علـــــــى القبة ..... وابايمان حيــــــل اتثبت جدامــــــك
تسمع صوت من قبرالشهيد حسين ..... خلي جفوفك انت وخوية رد هامـك
**************************
يابحر الشرف والغيرة بيك الموج وياقاع الاخــــــوة المابعد ينعاد
شفت الخوه مالت وانتخت عباس دكيت الجفوف وصارن الها اوتاد
****************
انت جوهر ياعلي ومن الجنان ........وانت كوثر يروي بيه الضامي
يعني شخصك هو كل معنى الحنان .......وانت للمؤمن شفيع وحامي
***********
شريد اذكر يخوتي بمولد الزهراء .... وكل ميلاد هاي الناس تضوي شمـــــوع
ردت اكتب قصيدة بحقها من افراح .... شو شفت المنابر شعلت الهة دمـــــوع
ميلاد الزجية هيج إلها أحزان ..... لان رسمت صور من كسروا الهة ضلــوع
*********
على اعتاب المنابر صوت يشبك صوت .... منتظرة البشارة من السماء اتلوح
نزل منبر كلب بي ضوة وجه الكون .... وعطر تفاح جنة ومنة كام يفـــــــوح
كام الصوت يقرة المولد الزهراء .... بس الكلب يقرة المـــــــــولد المذبــــوح
*********
شفت رادود يقرة بمولد المظلوم .... عاينتة ولكيت دموعة همالــــة
شفت ارواح عالمنبر تدور اعليه .... تواسي فاطمة ولحسين تنعالة
*********
بت اسد ماجابتك يــــوم المخاض ....... ياعلي الطلكًت الكعبة وجابتك
وجانت امك بالوصل حبل الغذاء ........ والحجر جان المشيمة الغذتك
********
انت اسمك يا علي يعني الصراط ......... والصراط اباسمك يضل مستقيم
الها لسبب كلمن يقرلك بالـــــولاء .......... يعبر بحبـــــك يحيدر للنعيــــم
*********
انت اسمك ياعلي يعني الكتاب ......والكتاب اباسمك الضل معتلـــــــي
وعلي للسائل صرت انت الجواب ....... وانت بالقرءان يا حيدر علــــي
*********
علي انت السيف وبايد الرسول .... اختارك الله السيف وبايدة تصير
درع صرت وسيف والكل الوجود ..... وطه اعلن ياعلي انت الامير
فلذلك امنك بنتة البتــــــــــــــول ...... لان الكـــــــون بسمك يستجير
*************
بطل كلب العقيله وقدوة للأيمان ........ وصبر كلب النقية ما الــة مقياس
صبرت بالطفوف الحرة جنها حسين ..... اوكفت للعين ايزيــــــد جالعباس
***********
جبل كلب العقيلة وبالصبر مشدود .......ومن قوة صبرها ذلت الكدامهـا
والدليل الحرة من ذكرت علي ...... طاح اللعين ايزيد تحت جــــــدامها
***************
بسم عباس معنى الغيرة ضل معروف .... وبميادين المعارك وضح الغيرة
مهو العباس دمة الغيرة بالشريان .... وحتــــــــى الغيرة صارت تستجيرة
*********
بعيونة الكمر لوصد على العدوان .... حتى الجثث تجفل ترتجف منة
عباس بشجاعة حيدرة معروف .... واسيوف المعارك الـــــــــة تتثنة
عباس الاسد لو صاح انة العباس .... حتة الشمس توكع بسمة تتحنــة
********
لوصاح الكمر عباس انا العباس ...... كل الكون يرتج من اثر صوته
معروف الشبل يوم البرز لعداه ......جثث تتستر من الخوف بالموتة
*********
منهـــو كال الكمر طفــــــــــوا عينة ....ومنهو كال اتبترت منة الجفوف
ساتر اجفوفة زرعها اعلى الخيام ....وعينة فوك السهم عالخدر تطـوف
********
الغيرة موسلعة نبيع ونشتريهة .... أهــــــــــــي مبدأ كرامة وترفع الراس
دم الغيرة هي وتجري بالشريان .... واذا شكيت اذكـــــــــر غيرة العباس
طب المشرعة ومن شافة جرف الماي .... فاض الماي من خوفة بلا احساس


******************
خادم اهل البيت عليهم السلام
احمد رفيش