تويت
معنى الاخو لا ما يصح ولا ينـفـهـــم لايتـضـــــح
بس انت يا عباس جسدتـــه بــرض الطـــف 000
من كبــــل عـــالم الـــذر انت لحسيــــن العضيد
وسمـك ويسمه انــــدمج كبـــــل لاتنـــزل وليـــد
وصرت روح حسين انت وروحك حسين الشهيد
بعالــم الـــذر انــــردت من كبــــل ادم صـــــرت
وبانت مراسيمه الفــرح بوجهـــك يعباس اتضــح
وكل ما غمض وكل ما وضح
بس انت يا عباس جسدتـــه بــرض الطـــف 000
خلي نرجـــع بالـــزمان ونفتح اوراق الاخــــوه
نشـــوف هابيل ابن ادم منهو اصبحلـــه عـــدوه
ومنهو طر منه الجبين ومــــا رع بيـه المـــروه
قابيـــــل بايـــــع خوتـــــه غـــدرتة الدنيــــة وغــــرتـه
وخيم علي كـــــل الحـــزن وأرشــــدة الطيــــر عللـدفــن
وحمــــل الاخو هدلـــه المتن
بس انت يا عباس جسدتـــه بــرض الطـــف 000
****ــــــــــــــــــــــــــــــــــــــــــــــ ــــــــــــــــــــــــــــــــــــــ****
ونرجــع ونسأل اليوسف جم اخــو جانولـــه ذيب
لطخـــو بالـــــدم قميصــــه وليش ذبـــو بالجليب
وليش ما راعـــــو الخـــوه هالامـــر جداً عجيب
اله من الخــوه احــدعش ونهشــــو بجسمــــه نهش
وانت الفلك جان انطــــوه لــــو شفت ابو اليمــه هوه
معنى الاخــو بكـــل ماحــــوه
بس انت يا عباس جسدتـــه بــرض الطـــف 000
الماي راد يمس شفافك ويطفي جمرات القهر
شفت وجه حسين بالجف ونحنه بيك الظهـــر
عباس ونسيــــــت الضمـــة ومن جفــك الماي ارتمـــة
من خـــــــوتك يابا الفضــــل صــــار علكـــل خوه فضل
وهــــذا الفعــــــل لاما حصل
بس انت يا عباس جسدتـــه بــرض الطـــف 000
وشاهد اليوم العــراق وشوف بي منظـرالدمعـــة
وشوف بي دم المناحـــر السفكتـة ساسة البدعـــة
الخذت تفتي بــلا ضمير وصـوتها لاك اليسمعــة
سني على شيعــي يندفـــع والنـاصبي يهيـــج الوضــــع
يابا الفضل بصوت الدمـع نشكيلك تعيـد الـــــوضــــع
معنى الاخو بكل ما جمـع
بس انت يا عباس جسدتـــه بــرض الطـــف 000
عليك معنى الاخومحني من طحت يابا الفضـل
ياشهـــــم منك الخــــوة والــك بالخــوة فضـل
وبين خوت كـل زمان وللابد انت الـــوصــل
درة البـــاري وحيــــدرة درة البـــاري وحيــــدرة
لحســـين انت بعاشــــرة درة البـــاري وحيــــدرة
عبـاس تــاج المفخــــرة درة البـــاري وحيــــدرة
معنى الاخــــوه سطـرة درة البـــاري وحيــــدرة
وريت من هـــذي الاخــوة يتعض شعب العـــراق 000
للشاعر خادم الحسين علية السلام / صادق رحيم كريم الجبوري0000
تعليق