المساعد الشخصي الرقمي

مشاهدة النسخة كاملة : العباس ع :::: للشاعر سيد علي العلاق


احمد رفيش
18-07-2009, 12:45 PM
(( العباس ))ع
بميلادك فرح حيدر يعباس ..... وبوجهك تبسم كحل العين
وشالك بين اديه وطول الشوف .... ورسم بوساتة بجفوفك نياشين
وحطك بالمهد كلك ثلث جلمات ...... زينب ... والطفوف .... ونصرة حسين
********
جان حيدر يحجي جلماتة بحنان .... ويدري فكرك مــــــن زغر يحويها
وجان يعرفهن علــــــي يكبرن وياك ..... وكلبك وعقلك يســــولف بيها
كالك زينب ضواها امـــــــن البتـــــــــول .... الشمس تخجل تعيان ليها
هاي عندك مـــــودعة وانت الكفيل ..... والكفالـــــــــــة ابركبتك تفديها
وجان يدري البوسة عندك ماتروح .... اتضل طريـــــــة وجفك يداريها
اتذكرك بوسة علــــــــــي بيوم الطفوف .... وبالوفة من امك لعد واليها
والنياشين البجفك مــــــن زمان .... مـــــن رقاب اهـــــل الغدر ترويها
وجان يدري الخوة عندك ماتضيع .... مـن دمة جفـــــوف الوفة اتحنيها
الخوة لاذت بيك وجفوفك شهود ..... وانت تبقــــــــى وتنعرف راعيها
الخوة لاذت بسمك وتبجي وراك ..... ومن عداك الخوة مــــــن يحميها
الغيرة جانت مرجلة اتلوذ بكفاك ..... اتحجب العفة وتـــــــــــذل سابيها
الغيرة مهرة وانحنت تطلب رضاك .... ولبست اثياب الـــــــوفة اتعليها
والكفالة ابصدرك انكتبت حنان ..... ابشاربك جلمــــــــــة شرف تدريها
سيدي وشفتك علم فــــــــــــوك الوجود .... وجفك ابحور الكرم يسكيها
ردت ارسمك ياكمر فــوك السحاب ..... الكيت شمسك ساطعة اتناغيها
وشفت جفك كـــــــــــــــوثر يروي الجنان ..... والجنان بغيرتك تحييها
والشرف من شاربك ياخذ وسام ..... ايضلل العفة ويـــــــداري اعليها
العفة زينب لبست اجفوفك حجاب ......وترضة بالسوط الشمر يوليها

خادم اهل البيت ع
الشاعــــــــــــــ السيد علي العلاق ـــــــــــــــــــر