مولود الرسول ص :::: للشاعر سيد علي العلاق

[احمد رفيش]

مولد الرسول محمد (( ص ))
من محمد تبدي اسرار الوجود **** ومـــن محمد تبدي انوار الحياة
خصة رب الكون والرحمة بسلام **** الهسبب اوجبلة من عدنة الصلاة
ـــــــــــــــــــــــــــــ
يانبينة انت سر نور الاله ... وانت نورك يسري بعروك الزمــان
انت من وجهك خلق رب العباد ... كل سمة وارض اصبحن وحدة وكيان
الهالسبب ربك يخصك بالسلام ... والصلاة من المحب رحمـــــــة وأمان
*****
انت نورك بالفلك تاج الخلود ... فوك صفحات السمة وما ينقره
انت نورك للمجرات الثبوت ... ابنورك الافلاك كلهة منـــــــورة
انت اسمك فوك ساق العرش نور... غير ابو الحسنين محد فسرة
انت سرك ماتصل ليه العقول ... ولا يعرفة من البشر بس حيدرة
صار ميلادك كبل كل الزمان ... وصارت الاكوان بسمك مزهرة
انت عمرك سيدي محد حواه ... بس الـــــــــه الكون خطة بدفترة
انبياء الكون بنوارك تطوف ... بحضرتك كـــل المعاجز حاضرة
انت قطب الكون يا بو الانبياء ... وكل نبي الشخصك زمانة يبشرة
من يفسرك وانت سيد الكائنات ... وانت خاتــــــم انبياء المغفــــــرة
ومن يعرفك وانت عامود الصلاة ... والمناجات اعلى نهجك سائرة
وانت شخصك يا ابو القاسم دليل ... ويوم ميلادك شموس اتصورة
انت نهجك يا ابو الزهرة السلام ... والعدل بس دولتك التقــــــررة
انت علم الكون عندك والزمان ... وباب علمك بــــس علينة يعمرة

خادم اهل البيت ع
الشاعر السيد علي العلاق