مولود الزهراء ع :::::: للشاعر احمد رفيش

[احمد رفيش]

يازهراء (( مولود الزهراء ع ))


امس بالليل شفت الكون بي زينة .... وشفت وجه الكمر مرسومة بي شمعة


طولت النظر بيه بغرابة حال ..... لـــن مكتــــــــوب بيهة انولدت البضعة


********


كمر شفتة بتوالــــــــــــي الليل ....بــــــــي مرسومة شفة واضحة البسمة


وعاينت النجوم اعليـــــه تدانة ..... جنهة جفوف تصفك نجمة وي نجمة


وحسيت الغيــــــوم محيط صارت بيه ..... واسمعت الرياح اتلحن بنغمة


مذنب مر عليهن ضل يخط حروف .... وجمعتها الرياح ولنهة فــد كلمة


لنة اسم الزجية الطاهرة مكتــوب .... واتسمة الكمر مــــن هالاسم بسمة


وعاينت الكمر لـــــــــــــن زاد بيه النور ..... لنة الفاطمة متزين ابرسمة


عرفت افراح دارت بالسماء اليـــوم ..... وافلاك وكواكب كلهة مزدحمة


ومرت بالخيال ارواح جنهة بـــــــــــدور .... ملائكة الجليل بلهفة ملتمة


اتمعنت النظر بالي اشوفة يصير ..... لن طه الرسول يرحــــــب ابامــة


وطولت النظر بعيوني فوك الكون .... لن وجه الحسين والدة وعمــــــة


ولن بنت الوديعة زَينب الحوراء ...... وجبرائيل وي الحسن بالقمــــــــة


لن جفوف صارت جالمناير بيه ..... هاي جفوف عباس ألاجت يمــــة


ولجل هذا الامر شيعتهة ملتمين .....كلمن يكتب بكلبة بحبر دمــــــــــة


نضل للموت يا زهراء وي حسين ..... وانعطر المنابر كلهة من اسمة








عطر بيت النبي انتي وزهرة


ودين النبي هو اسمج وزهرة


واسمج فاطمة منشع وزهرة


وسام الدين اسمج يالزجية


************************************ http://up1.arb-up.com/files/arb-up-2009-8/D5z11425.jpg (http://up1.arb-up.com/files/arb-up-2009-8/D5z11425.jpg) :::::: صورة الشاعر (( احمد رفيش ))




خادم اهل البيت عليهم السلام


احمــــــــــــــ رفيش ــــــــــــــــد