المساعد الشخصي الرقمي

مشاهدة النسخة كاملة : مولود للامام علي ع:::: للشاعر احمد رفيش


احمد رفيش
18-07-2009, 01:37 PM
حبك رحمة صار انة وجنــــــة


لاذت انس بيه اسمك وجنـــــة


كلبي هايم بشخصك وجنـــــة


ينبض ياعلي وهم يسري بية


***********


جنة حضرتك ياعلي جنة *** كعبة واحنة بيها انلوذ كلنة


انريد البشارة *** من راعي المنارة


كعبة واحنة بيها انلوذ كلنة


منحوتة الحروف بكلبي بيه اسمك ........ بعيوني يحيدر صار الي رسمك


انة احيا واموت ويبقى الي حبك ........ يسري بالــوريد ويرسم بشخصك


حبك بالكلب دوم ........... واكثر من النجوم


لولا محبتك مولاي ضعنة........ جنة حضرتك ياعلي جنة


يانور اليشع نورة اعلى هالكون ........ يبو الحسنين انت نــــــور العيون


بحبك سيدي صرت انة مجنون ........ واضل طول العمر مولاي ممنون


عرفنة الجنة منك ..... ويفوز اليحبك


وبحبك يبو الحسنين فزنة ......... جنة حضرتك ياعلي جنة


حبك سيدي بكلوبنا يزود .......... من كبل الولادة هـــــــو مولود


يكبر بينة دوم وما الة حدود .......... يامولاي نحيا نموت موجود


حبك دوم بينة ..... ومنة احنة اهتدينة


يامولاي هو اسمك نقذنة.......... جنة حضرتك ياعلي جنة


اسمك ياعلي لو ندرسة يكول ....... اني المرتضى وهم فحل الفحول


وهموم الكلب يا حيدر اتزول ........ بسمك سيدي هالكلب مذهول


انة انت هوية .... يابعل الزجية


بميلادك يحيدر انرحمنة...........جنة حضرتك ياعلي جنة


انت بيدك ياعلي سيف الفقار ....... قاطع الروس الكفر واهل الشنار


صار حبك ياعلي اجمل شعار ....... اينور كلــــــوب اليحبك والديار


كلهة صاحت بصوت.......... احضر ساعة الموت


يبو الحسنين انت الشافع انة............جنة حضرتك ياعلي جنة


جنة حضرتك ياعلي جنة *** كعبة واحنة بيها انلوذ كلنة


انريد البشارة *** من راعي المنارة


كعبة واحنة بيها انلوذ كلنة













خادم اهل البيت عليهم السلام


احمـــــــد رفيش

******************************
http://up1.arb-up.com/files/arb-up-2009-8/D5z11425.jpg (http://up1.arb-up.com/files/arb-up-2009-8/D5z11425.jpg) ..... صورة الشاعر احمد رفيش

نور المستوحشين
29-03-2010, 04:12 AM
http://www.lakii.com/vb/smile/32_201.gif