اجمل الابوذيات الحسينية ::::: للشاعر احمد رفيش

[احمد رفيش]

********

عليك الكلب ون بسكوت ونـــــــــــــــة

والكافر يصد اعليك ونـــــــــــــــــــــــة

اعيالك تنسبي يحسين وانــــــــــــــــــة

امتوني توسمت بسياط اميــــــــــــــة

***************

**************

المختار صاح احسين الك ثار

مثل عباس قلبي اعليك الك ثار

اهواي اجروح اذنك والاكثر

الاكبر من وكع فوك الوطية

*************

العقيلة انة وصرت بالحزن والهم

وكضيت العمر اجرع صبر والهم

اكبالي وصعب اوصل بعد والهم

اخوتي وضنوتي بهاي المسية

**************

على نهجك يبوية احنة وعينة

وحك الكطعو اجفوفة وعينة

لا اكدر اصل يمة وعينة

لان يم الشريعة اجيوش امية

*************

الشهادة من العلي الباري ترانة

الليلة عيونه الزهرة ترانة

يخوية اطيح اشوفنك ترانة

واضل وحيد بارض الغاضرية

************

اسمك ياعلي بالذكر منزل

وعن نهجك ابد مولاي منزل

وبحبك الجنة اتصير منزل

الكل شيعي يحماي الحمية

***************

الاهي برحمتك صرنة وعينة

المؤمن ينتخي اتنصرة وعينة

بحك اجفوف ابو فاضل وعينة

ارحمنة برحمتك من كل اذية

***********************

يمن سيفة اشكثر عدوان جفة

يالعباس زودك وفة جفة

انة زينب يمن مكطوع جفة

اضمد اجروحك والامي بية

***********************

الحارب العباس يامات يا جف

عجيبة الماي ذاك شلون يا جف

وياعين انطفت وانكطع يا جف

وياراية الهوت بالغاضرية

*****************

بسيفك جعلت العدوا يجفي

وبجفك عليهم زود يجفـــــي

زماني وياي ياعباس يجفي

يخوية سهامة ورماحة علية

****************

وكع عباس من العمد هاشم

وحسين التعنة الكمر هاشم

وصلة وكال من النحر هاشم

تشافي الجرح من عطر الزجية

**************

المختار صاح احسين الك ثار

مثل عباس قلبي اعليك الك ثار

اهواي اجروح اذنك والاكثر

الاكبر من وكع فوك الوطية

**********

اندفن صبط النبي ضامي ترابيج

انفضي بكل شرف كاعج ترابيج

وتراه اعيونهة الكعبة ترابيج

وتزيد الشرف من ابن الزجية

*******

عقيلة وصرت ياحيف بالهم

حسافة الكمر ذاك ينام بالهم

اجفوفة اتكطعت والطبر بالهم

وصحت انهض يبن حامي الحمية

********

كلبي طاح من بعدك وناراك

منك طاحن اجفوفك وناراك

وبيك الغضب هالبين وناراك

واحس بغيرتك تسعر علية

********

ياعباس لارض الوطن ودينة

عليك المصطفى اقسم ودينة

توفي وعدك الحيدر ودينة

تردني للوطن يم الزجية

*****

خذاك الزمن عني انت وبعداك

اصب الغضب بالصابك وبعداك

صابوني يبو الغيرة وبعداك

طحت من المهر فوك الوطية

*********

يعباس الخدر محمي ترابيك

ومن الخيم عين اختك ترابيك

كوم انفض يبو الغيرة ترابيك

رجب ذراعك مشت زينب سبية

**********

طفل عطشان شفتة بسهم ينصاب

وعليه الدمع من حسين ينصاب

شنو ذنبة الطفل يا كفر ينصاب

خصمكم فاطمة الزهرة الزجية

*******

روحي ابد مولاي ماتحب هـــــــــــــــم

والعادوك يا مضلوم ماتحبهـــــــــــــم

وجم حاقد يكول بصوت مات حبهــم

وختم حبكم سيدي بكل هوية

*********

ساكت ياسبط كلي علامــك

انشدك وانة ماعندي علامك

وين الكمر والشايل علامــك

وعلامك ماترد جواب اليــة

********

يزينب لاتساليني علامــــــــي

طاح حزامي والشايل علامــــي

حزنت عليه مثل حزني علامي

وبكيت اباه بستسعر عليــــــة

*****************************

منو مثلة الحمل هيبة وغيرة

وياهو الكال هذا انة وغيرة

اكلة هالحجي بدلة وغيرة

تراها الغيرة عد عباس هية

****************************

شفت بفراكة انة انجوم ظهري

ويصفوف العدا ناديت ظهري
هذا الطاح اخوي حزام ظهري
الكمر عباس ابن حامي الحمية

************************************

تضعضع حيلي من فرگاه وانهار

وعليه عيوني صبن مطر وانهار
بعدة الليل ماشفتة ولا نهار
بفكد عباس خان الدهر بية

****************************************

يخوية مابعد بالعين ضل ماي

وبجفاك احس بالصبح ضلماي

وبعدك زماني صار ضلماي

مني اخذكم يخوتي بهاي المسية

***************************************

يمن جفة اشكثر جافـــــــي وجفـة

الكمرعباس ماقصر وجفــــــــــة

ولحسين الفدة عينة وجفــــــــــة

ودرع صدرة الكمر لبن الزجية

*****************************************

انت الغاية للحـــــــرة واملها

ابوها انت يبو فاضل واملهـا

بفكدك فكدت الدنيا واملهــــا

ورحت وبكت زينب سبيــــة

****************************************

وينك يا كمر عدنان عنـــــــة

تراه يزيد بعدك حيل عنــــــة

راح الكلب لرض الغري عنة

كصد حيدر يريدة يكوم اليــة

***********************************

لخادم الحسين :/ احمد رفيش

************************
http://up1.arb-up.com/files/arb-up-2009-8/D5z11425.jpg
صورة الشاعر احمد رفيش