انه العليله وروحي وياك

[سامي الكعبي]

حال اليتيمه ابيوم فرگاك
انه العليله وروحي وياك

____

چلمه وگلتها امسافر اليوم
ذبحت دليلي وحالي مهموم
فوگ المرض زيدت الهموم
ابچي السفركم واهوى ملگاك
انه العليله وروحي وياك

____

الوجه اصفر ذابل اللون
وجمر المدامع طفه العيون
مات الهوه بخطوات الضعون
من عفت چفك وابعداخطاك
انه العليله وروحي وياك

____

بعد الرحيل العمر محسوب
وشفت النفس هليوم محجوب
وين الگه مثلك بويه محبوب
ايرجع فرحتي وطيبة ارباك
انه العليله وروحي وياك

____

ليل الفراگ ابغربتي ايعيل
وبس برجوعك محنتي اتزيل
غربه حياتي ومدمعي يسيل
مثل اليتيمه و تطلب حماك
انه العليله و روحي وياك

____

مرسال اكتب وي هوه الهاب
خبرني عنك عن الاحباب
مرعوب گلبي وجرحي ماطاب
وما طيب الا بشوف عيناك
انه العليله وروحي وياك

____

يصبرني وعدك تمطر احساس
من گلت يرجع عمي عباس
يجيبج اليه اتعود الانفاس
اتاخر عليه وصبري ناداك
انه العليله وروحي وياك

____

ابهب النسيم اتشاهد العين
علرمح راسك بويه يحسين
والگمر شفته ابلايه جفين
ومسبيه زينب عمتي تنعاك
انه العليله وروحي وياك

____

الحاج سامي الكعبي
ليلة فاطمه العليله ع

[سيد فاضل]

الله يعطيك العافية وعظم الله أجورنا وأجوركم

[خادمة فضه]

جزاكم الله كل خير

[عاشقة ام الحسنين]

اللهم صل على محمد وآل محمد وعجل فرجهم ياكريم
مجهود رائع
جزاك الله خير