البرمودا تحت العباه والسيقان طالعه خييييير ان شاء الله!! .

[* || نور على نور ||*]

في السابق كنا نشوف ظواهر تنتشر في المجتمع ونستنكرها او ماتدخل عقولنا
لتعارضها سواء للدين الأسلامي او لعادات اجدادنا وتقاليدهم ..:adviser:

كانت البنت إذا البست عبايه مطرزه مزخرفه ملونه قلنا عنها صايعه ومو متربيه .. او ماوراها اهل ورجال ..
لان المألوف كان اللون الأسود والساتر للفتاه والي ابعد مايكون عن الفتنه وجذب الانتباه ..genit:
اليوم .. صار الشي عادي .. او نقدر نقول تعودنا نشوفه يمكن لانتشاره بين اغلب الفتيات
او يمكن لظهور ظواهر اخرى مثل .. العبايات المخصره والي من ظهورها وحتى الان والحديت عنها لاينتهي ..:AK:

لكن الظاهره الي انتشرت في الفتره الاخيره تتطلب منا التكلم عنها ومناقشتها ..
وهي ظاهره البرمودا القصير تحت العباه .. وياريت تكون العباه مسكره ..
الا مفتوحه وتظهر السيقان والي مايشوف الا غصب يشوف ..
يعني ودي اعرف وشو هدف الفتاه لما تلبس برمودا والسيقان طالعه ووتمشى في المجمع وبكل ثقه ؟؟ maq22:
واللي يرفع الضغط لو طالعتها بنظره استغراب قامت تطالعك بنظره احتقار وكأنك غلطت عليها بالنظره dirol:
ونست ان اهي صاحبت هالتصرف وهي الي حطت روحها في هالموقف ..
والمشكله بعد لين تعرض لها احد الشباب قامت تسبه انت قليل ادب ومو متربي وووو .... الخ ..
طيب اذا اهو قليل ادب انتي وشو ؟؟ انتي ماحترمتي نفسك ولا احترمتي الموجودين في هالمكان
ليش تتوقعين من الشباب يحترمونك ولا يسون لك حساب؟؟ yarab

والشي الثاني الي استغرب منه .. ان شلون هالبنات يطلعون من بيوتهم بهالشكل ؟؟
الاهل وينهم ؟؟ مايشوفون بناتهم ؟ مايشوفون وش لابسين ؟؟
اوكي خل الاهل على جنب ؟؟ البنات شلون يرضون على نفسهم ؟؟ نسوا العادات والتقاليد ؟ :lahool
نسوا انه عيب ؟؟ وين الوازع الديني ؟ وين الخوف من الله ؟
كل هالأشياء صارت عاديه بالنسبه لهم ؟؟؟
عموما ماراح اطول عليكم .. بس بغيت نتناقش في هالمووضع واعرف رايكم فيه ..
وياريت اتجاوبوني على هالاسئله .. وكله في النهايه لتعم الفائده على الجميع ..080402ask

1_ هل صادف وان شفت هالظاهره امامك ؟ و أين ؟؟
2_ شرايكم بهالنوع من الفتيات ؟
3_ برأيكم مالهدف الذي يجعل الفتيات يطلعون بهالشكل ؟؟
واخيرا .. هل في كلمه تحب توجها لهالفتيات ؟ نصيحه او حتى نقد ؟؟
واسمحولي اذا طولت عليكم ..بانتظار مشاركاتكم وارائكم بالموضوع
تحيااااااااتي
نور على نور

[محب ال البيت ع]

اشكرك اختي العزيزه دلوعة المنتدى على موضوعك الرئع الذي يناقش قضية مهمة في مجتمعنا
اسمحيلي ان ابدأ في التعليق
1_ هل صادف وان شفت هالظاهره امامك ؟ و أين ؟؟
نعم شفت هذه الظاهرة وأراها كثيرا في المجعات التجارية والمستشفيات وغيرها
2_ شرايكم بهالنوع من الفتيات ؟
اعتقد ان ليس لديهم الوازع الديني
3_ برأيكم ايش الهدف الذي يجعل الفتيات يطلعون بهالشكل ؟؟
الهدف الوحيد اللي لقيته انها تبي تلفت النظر او تبي الشباب يغازلونها
عشان تحس انها حلوه وتقول للبنات شوفوني واثقه من نفسي وما عندي احد متحكم فيني
واخيرا .. هل في كلمه تحب توجها لهالفتيات ؟ نصيحه او حتى نقد ؟؟
أتمنى ان لا ارى مثل هالفتيات المنتسبات للشيعه بالاسم و كل بنت قبل لا تخطي خطوة من بيتها تتذكر ستر الحوراء زينب عليها السلام ويامن شمرت عن ساقيك أعلمي ان الرجال لا تستهويهم المرأة الكاشفه لساقيها البنت جمالها في عفافها وليس تبرجها الله يهديهم
تحياتي محب ال البيت ع (العـــــــــايديal-aide)

[محـب الحسين]

_ هل صادف وان شفت هالظاهره امامك ؟ و أين ؟؟

نعم رأيت في الاسواق والشوارع

_ شرايكم بهالنوع من الفتيات ؟

بنات مساكين برأيي لانهن لم يجدن من يثقفهن من الصغر
وشاهدت والدتها غير ملتزمه ايضا

برأيكم ايش الهدف الذي يجعل الفتيات يطلعون بهالشكل ؟؟

إظهار جمالها

واخيرا .. هل في كلمه تحب توجها لهالفتيات ؟ نصيحه او حتى نقد ؟؟

اود ان اول لهن بأن يتقين العظيم الجبار
لان جمالهن ليس دائما
ويأتي يوم تندم على تصرفها هذا
(( ولات حين مندم ))

اشكركِ اختنا على اثارة مثل هذا الموضوع المهم
وفقكِ الله وجزاكِ خير الجزاء

بالمناسبه العنوان اضحكني كثيرا

[عاشقة الابتسامه]

1_ هل صادف وان شفت هالظاهره امامك ؟ و أين ؟؟

اكيد في الشواارع واماكن عامه وغير ذلك

2_ شرايكم بهالنوع من الفتيات ؟

اكيد بناات مسااكين الله يعينهم على بلواهم

3_ برأيكم مالهدف الذي يجعل الفتيات يطلعون بهالشكل ؟؟

يرئي انا التلفاز وغزوه لافكارهم

واخيرا .. هل في كلمه تحب توجها لهالفتيات ؟ نصيحه او حتى نقد ؟؟

يامن خلعتي رداء الحشمة

اين انت عن ابنت علي

كانت سبيه في كربلاء

والوجه منها لم يبدي

فان الفتاة الشيعيه عليها الالتزام باخلاق الزهراء

وابنتها الحوراء عليهما السلام

بارك الله فيك نور طرح مهم للغايه

عااااشت الانامل