تويت
بسم الله الرحمن الرحيم
كرار خاض الملحمة
بالدم صبغ لون السمة
************
علي يوكف بالحرب ثابت جدم
سهام برموشة فلا يخطي بسهم
على درب الموت يدعوهم امم
الكًال لا لائة تجاوب له نعم
زلزال زلزلهة الارض
من خوفهم يسمع نبض
***************
نزل سيف المرتضى من السمة
اركاب اهل الظلم عشكت صارمة
وبحديد السيف يتروة الدمة
والصدور بشوكً حضنت مخذمة
لوصال يعصفهم عصف
يحتار من عندة الوصف
*****************
حيدر بجف سيفة اسياف القدر
سيفة ذو الفقاربل سيفة الكمر
اتخيل العباس في وقعة بدر
شايلة الكرار وعليهم نحر
عباس بجفوف الولي
وعباس يندب ياعلي
*************
غيرتة تصول وتسل سيف الغضب
مايثني للكفر يوم الضرب
محكمة يوم الحشر بيهم نصب
نار يشعلهة ويسويهم حطب
والدين بجفوفة اعتلة
راية بيمينة وشايلة
************************
من نزل دكً بيدة ناقوس الخطر
والمنايا من السمة نزلت مطر
برق مر بيهم مثل لمح البصر
والكفر عالكاع سواهم وذر
بركان ثار بصولتة
ياهو الوكف ضد حملتة
****************
سيد علي المكصوصي ونسألكم الدعاء
تعليق