المساعد الشخصي الرقمي

مشاهدة النسخة كاملة : ياقمر بني هاشم العباس ع..... للشاعر احمد رفيش


احمد رفيش
20-08-2009, 12:19 PM
سبع الكنطرة العباس هـــــــــذا اليـــوم ..... ميلادة يشيعــــــة والشبل معروف
ابن حيدر علي العباس راعي الجود ..... من جيتة الكواكب رعدت من الخوف
وزينب بت علي أمنت هذا اليـــوم ..... وزمان الخطط بغدرة صبح مجتـــوف
عركت دنيته والمطر صار يسيل .....مطرت غيره بيه الكـــــــون ضل يشوف
غيرة من الطفـــــــولة هالاجت وياه ..... نزلت صارت بمهد الكمر واطــــوف
فتح عينة الكمر من طـــكًـ المهاد ..... وعاين وابتسم من شاف عندة جفــــــوف
بس جفــــوفة مو مثل البشر جفين .... فصلها الجليل زنـــــودة بيها سيــــــــوف
***************
بيمينة الكمر لـــــــــــو برز بتارة ... كــــــل عدوانة تشرد منة تتعثر
معروف الكمر من والدة الكرار .... منة جيوش هم صفوف تتطشر
**********
يابـــــــــدر الهــــــواشم ياكمر عدنان ... ياتاج الشرف يايمنـــــــة الكرار
تصيح الغــــوث منك هالانس والجان ... لـــــــوشافت يمينك بارز البتـار
*********
بتارك يبو الحملات بيه انلوذ .... وتلوذ الشيعة بسمك ياكمر تــــــــــدري
لان حسين يوم الطحت صار يصيح .... ياعباس خوية انه انكسر ظهري
***********
جفين الكمر عباس ماطاحن .... لان الرايــــــــة ماطاحت ابــــــد لليـــوم
مناير هالجفوف وراية عند حسين ..... بالعالـــــــي يحرسن قبة المضلوم

****************

الكمر عباس ضل لحسين رايــة
وماواحد عرض من كال رايـــة
من كل للكمر عباس رايـــــــــة
اريدك تبقى انت الحامي اليـــه

*****************
كصد عباس كل لحسين خي كول
يبو السجاد امرك علـي خيكــــول
وعد مني يبو الاحرار خي كًــول
خـــي كًـــــول وفعل ولد الزجيه
**************
كلة والنعم عباس وعـــــــداك
وادريبك ترج الكون واعــداك
كلي الواجهك ياهو واعــــداك
وبس اجفوفك انت اتزيح امية
**************
عد عيناك كله ادري وضعنة
فخر والباري هو الي وضعنة
بثبات الدين ماتهنة وضعنـــة
لان احنة ولد حامي الحميــة


****************



خادم اهل البيت ع
احمد رفيش

محـب الحسين
29-08-2009, 08:02 PM
بارك الله بك
ينقل لقسم الشعر الحسيني

جـــرح الحبيــب
30-08-2009, 06:05 PM
بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
شـكــ وبارك الله فيك ـــرا لك ... لك مني أجمل تحية .

عاشقةالبتول
30-08-2009, 08:52 PM
:55555":

شـكــ وبارك الله فيك ـــرا لك ... لك مني أجمل تحية .