انا ! والعين والقلب في حوار ..... للشاعر احمد رفيش

[احمد رفيش]

نمت فد يوم صرت أتوسد افراشي ..... وأسمعت الكلب وي عيني ضل يحجي


واسمعه يكلها ياعين اشبله افكارج ..... ولنها للكلب بس تنحب وتشجــــــــــــي


تكله كربله بفكاري مرسومه ...... وسمعت ايتام بيها من بقت تبجــــــــــــــي


*****************************


يكلها سمعي انه جروحِي انبنت وياج ..... واني اعلى السهر كل ليلي أضل مجروح


سمعتي اطفال تبجـــــي وانه اشوف حسين .... يــــــوميه يعين من النحر مذبــوح


بيه اتهيج ألامــــــــي واضل سهران .....من كثر الالم ضل جرحــــي بيه ينـــوح


***********************


تكله جروح تنزف للشهيد حسين ..... ما تنشف دموعي لا ابد فـــد يـــوم


لان دموعي هي حروفه الي تسعر .... لبو السجاد حتى الدمع ضل مالوم


واخليها الدموع اتسيل دوم اجبود ..... مو ماي الدمع يا كلبي دمعي دموم


**********************************


سيلي انتي الدمع والجفنج اتجرحيه .... وخليها جروحج انتي ابــــد متطيب


خلينه ننوح اعلى السبط كل يوم .... وجروح البينه من عنده ابــــــــد متغيب


هو الينبض بصمامي دومه حسين ..... دوم جروحه تنبض بالكلب واتصيب


************************


كعدت انه وحجيت وي الكلب والعين ..... ومن كثر وني كلت يا عين ابجي عيون


ورديت ولكيت ابكلبـــي بيه جروح ..... كتله اجرح جروحك للسبط واتهــــــون


يالبيج النظر هالنــــــــور كلة حسين .... ويالبيك النبض لحسين ضل ممنـــــون
****************


يضل مطلوب كلبي انه والحسين


دين الفاطمــــــه يبقــــه ولحسين


اخلص عمري اخدمهـم ولحسين


وعساها الزهره تشفع يـــوم اليه


************************


الي افضل اغذي الروح وحسين


بالحره وكمر عدنان وحسيــــــن


وكلبي ينبض بحبهم وحسيـــــــن


بذكرهم تشفى كل جروح بيـــــــه

**************************

خادم اهل البيت عليهم السلام


احمـــــد رفيش

[جـــرح الحبيــب]

شـكــ وبارك الله فيك ـــرا لك ... لك مني أجمل تحية .

[اريج الجنه]

شـكــ وبارك الله فيك ـــرا لك ... لك مني أجمل تحية .

[حيدريه بحرانيه]

مشكوورة الله يعطيش ألف عافية عالنقل الراائع تسلمين بالله الشعر راائع عالشعر الحلوو والله تسلمين عالنقل
ننتظر جديدش.........