تويت
بسم الله الرحمن الرحيم
يانبينة كًوم عاين دينك ** كًوم عاوني اعلة فكًد حسينك
انة زينب واشتكيلك*** وادري متفطر دليلك
كًوم عاوني اعلة فكًد احسينك
***************
رضيع من العطش كًلب الطفل شاب
مثل طير انذبح وبجمر الصواب
صرخ ضامي بعدني وجبدي انعاب
يا محمد يانبينة **** صوت طفلك مانسينة
صاح يالهادي محمد وينك
***************************
يبوية اكًصد لجاسم عالثرة يلوع
شحيح الماي خل نغسلة بدموع
هتف نحرة الموذر صوت مسموع
شبانك لدينك صاروا دروع
خل نشيل البطل قاسم
سطر بزودة الملاحم
هذا نجل الحسن كًرة عينك
صفيت اليوم اشل جروح بجروح
وكلساعة بطل من خيمتي يروح
على الاكبر ارض خلها وسمة تنوح
وخلي العرش ينعى ويلطم اللوح
امتك نكروا كتابك *** وذبحوا زهرة شبابك
وباعوا بدنياتهم ثقلينك
******************
يطه بكأس الاوفى نسكًي الابطال
ونسكًي الكافل المتكًطع وصال
لجن عباس حتى بموتتة كًال
شلون اشرب واخوي حسين عالبال
هذا اخوي حسن عطشان
والحرم واطفال رضعان
كًمر هاشم وفة بالطف دينك
*************************
عالسبط ننصب يطه مأتم احزان
نطلع سهم جبدة مثلث اسنان
ترك طر الخلكً للباري ولهان
نقدم هالخضيب الشيب قربان
مخضب بدم الشهادة**** الباري هذا الحتف رادة
وهالعهد يالهادي بينة وبينك
***************************
ونسالكم الدعاء كلمات
علي شاكر المكصوصي
تعليق