تويت
بسم الله الرحمن الرحيم
*****************************
شعلتك متوهجة بكل الصدور
ونار كتلك بالكًلب ظلت تفور
موش بس جفوف ننطيها ونحور
لوبقينة جفوف بس نكًصد نزور
عن ثابت اليقين لبيك ياحسين
************************
هالعشكً يحسين موبس عاطفة
حبنا نابع عن عقيدة ومعرفة
بيا حروف بيا لغات نوصفة
جبل مبدا ماتهزة العاطفة
والعزم لا يلين لبيك يا حسين
********************
ياحسين شلون شح ماي الفرات
شلون تعطش وانت ينبوع الحياة
عجب ماسجدت الك هاي الطغاة
وانت جسمك للنبل مسجد صلاة
نداء الصادحين لبيك ياحسين
**************
شلون فوك الرمح تنشال الشموس
اشرقت مابين مدمي الرؤؤس
على ضلع الشمس ياخيل التدوس
مثل ضلع الزهرة بت خير النفوس
بصوتٍ ناطقين لبيك ياحسين
***********************
اتعنتك يحسين عيني بكل جنون
انة موبيدي اذا تجري العيون
شافتك عطشان في سوح المنون
اتفجرت بعيوني انهار وعيون
بدمع كل عين لبيك ياحسين
***********************
نسألكم الدعاء كلمــــــــــــات
علي شاكــــــرالمكصوصي
تعليق