المساعد الشخصي الرقمي

مشاهدة النسخة كاملة : أدري علي زعلان لكن اوريك ؟؟؟


دمعة اشتياق
11-01-2009, 07:10 PM
زعلان لكن عارف اشلون اراضيك
ماحد غيري يعرف بطبع خلي


اعرفك لي منك تضايقت واشفيك؟
ماعاش من زعل حبيبي وكلي


من نظرتك من هيئتك مع تغليك
اقرأ ملامح ضيقتك لا تقلي


ادري علي زعلان لكن اوريك
شلون ترضى يا بعد كل من لي


ملح الحياة اني اضمك واخليك
وش هي الحياة بدون جد وتسلي؟


ساعات لي خاطر اجيبك ووديك
وارفع حرارة حبنا بالتغلي


اقول ماحبك وما ابيك ..مابيك
عشان اغيضك بس وافش غلي


بس الحقيقه اني اهواك واغليك
ومحبتي لك مابعدهاعنك تخلي


ودي احطك وسط عيني واغطيك
عشان ماتبعد عن العين ملي


لي غاب حسك نبض قلبي يناديك
بشتاق لك بالحيل يابعد كلي


اقعد انا والشوق دايم بطاريك
افكارنا مابين ربط وحلي


زعلان مني كل كلي يراضيك
ماحد غيري عارف بطبع خلي


يالله تبسم يالله ذبحني تغليك
يكفي حبيبي (مد بوز ) وتغلي
تحيأأأأأتي

عاشقة ام الحسنين
15-01-2012, 07:50 PM
اللهم صل على محمد وآل محمد الطيبين الطاهرين ...
يعطيك العافية على الكلمات الراقية
جزاك الله خير الجزاء