في مولد الحسن المجتبى

[حيدريه بحرانيه]

في مولد الحسن المجتبى عليه السلام
ــــــــــــــــــــــــــــــــــــــــــــــــــ ــــــــــــــــ
ياشيعه فرحوا اليوم ميلاد الحسن == هنوا النبي والمرتضه وانسوا الشجن
هاليوم رابعهم طلع أهل الكسه == نور أو ظهر بالكون وايامه زهن
شبر أجه ابأسمه الملك من السمه == جبريل هنه المصطفه ببنه أو علن
أسمه الحسن يلمصطفه من العلي == طاهر مطهر بي عطر زاكي البدن
حسن الحسن منه استحت حتى الشمس == حتى الكمر هم استحه أنصاب أنطعن
هنوا البتول الطاهره بنت النبي == هيه الشفيعه بالحشر تنطي الثمن
هيبة أبن حيدر علي ظهرت نمت == وياه تكبر ما خضع يوم أو ذعن
للباطل أو ما باع دينه أو لارضه == بالضيم ابدا للبغي دومه لعن
يوم الذي باهل محمد وأنتصر == جان الحسن وي جده أو شاف الوهن
صاب النصارى من اجه طه النبي == هو الكمر واهله نجوم أو هالضون
حيدر علي والزهره وأحسين أو حسن == أنوار يمحي المصطفه بيهم فتن
هذا الحسن من بيت ما مر الرجس == بيه أو تطهر والمجد بيه أقترن
بيت النبوه والوصايه البي نزل == جبريل لأحمد بالوحي أو منه سرن
آيات رب الكون للوادم علت == تهدي الخلك والبيت للعتره أحتضن
هذا الحسن بيه الكرم طافح غده == حتى الكرم منه استحه غاب أو حزن
حج الحسن للبيت مرات أو مشه == حافي القدم وأدموع من عنده جرن
لله يقصد يرتجي منه الجزه == للشيعه يشفع بالحشر ألهم غدن
ــــــــــــــــــــــــــــــــــــــــــــــــــ ــــــــــــــــ
مع تحيات شاعر اهل البيت / جابر النجفي
يمكنكم سماع القصيده بصوت خادم اهل البيت عليهم السلام
جابر النجفي على الرابط التالي
http://www.gmp.com/show.php/245742_.mp3.html
مع تحيااتي