آلام زينب في العيد

[محـب الحسين]

بسم الله الرحمن الرحيم
السلام عليكم ورحمة الله وبركاته




آلام زينـــــــب فـــــــي العيــــــــد
ــــــــــــــــــــــــــــــــــــــــــــــــــ ـــــــ
أجه العيد أو ابونه غابت أرسومه
عفاها الروح صبرت عالجره أبيومه
ــــــــــــــــــــــــــــــــــ
عفاها الروح صبرت عالجره الحيدر
من شافت جبينه أمن الدمه أتعطر
نزل سيف القدر عالراس وأتطبر
مضه الوالد علي ما تممه الصومه
ـــــ
مضه الوالد علي والعيد عالابواب
شلون أفرح حزن يملي القلب وانعاب
يتامه اتصيح والدنه علينه غاب
فقدناه أو علينه ضاعت أعلومه
ــــــــــ
فقدناه أو فرح ما ظل بعد بالعيد
والدلال من ونه أبد ميهيد
بعد عين الابو فرحه أبد ميريد
لفاه الضيم بالاحزان ظل دومه
ــــــــــ
لفاها الضيم روحي أو شافت الآلام
من شفت الولي والطبره فوك الهام
كلت راح الأبو ما تمت الاحلام
فز قلبي أو كعد مخطوف من نومه
ـــــــــــ
فز قلبي أو نزف دم عالجره والصار
غدر غدروا أبونه حيدر الكرار
غده الدين أبمصابه هايم أو محتار
وكع حيدر هذاك التعرفه الحومه
ــــــــــــــ
وكع حيدر أمر صار أو كضه المحتوم
بجاه السيف والمنبر غده مهموم
فاز المرتضه بللي أنتظرها دوم
شهاده أو بالدمه أتخضب ختم يومه
ــــــــــــــــــــــــــــــــــــــــــــــــــ ـــ
مع تحيات شاعر اهل البيت / جابر النجفي
يمكنكم سماع القصيده بصوت خادم اهل البيت عليهم السلام
جابر النجفي على الرابط التالي
http://www.jannatalhusain.info/2009/...ile=5453dad79e

[اريج الجنه]

السلام عليكِ ياعقيلة بني هاشم
مشكوور اخووي فيماا طرحت
وجااري الاستماااع

[عاشقة الابتسامه]

سلام الله على عقيلة بني هاشم

كلمات جدا حزينه الله يصبر قلب زينب الحنون

سلمت يدك بو محمد

[*llعاشقة الزهـراءll*]

السلام عليك ياام المصاائب والمحن
السلام عليكِ يابنت الوصي
احسنت
اخي الغااالي(جداا راائعه وحزينه بحق مولاتنا الزهرااء..والمصااب الذي حل بهم وبناا)
حشرك الله مع امير المؤمنين وسقااك من الحوض بيده الكريمتين
باانتظاار جديدك بكل شوووق
دمت بحب وعناايه الزهرااء..سلام الله عليهااا
:65::65::65:

[عاشقةالبتول]

السلام عليك ياام المصاائب والمحن
السلام عليكِ يابنت الوصي
:65:شـكــ وبارك الله فيك ـــرا لك ... لك مني أجمل تحية . :65: