ابوذيات روووووووووووووووعه [الأرشيف] - منتديات احباب الحسين عليه السلام

نجمة البصره

07-10-2009, 04:09 PM

غيابك خلخل اعضامي .. وهدهن
واجر حسرات ببعادك .. وهدهن
آلي دمعات لو ابجي .. وهدهن
تفيض اليابسة ونغرك سويه

.....................................
ابيك آنة وابد ماكول.. مابيك
يل كلك محنة وشين .. مابيك
غبت عني واكول شبيك .. مابيك
من اغيبن هم يظل بالك عليه
....................................
اشكثر خوان راحت ...... ماردتلي
انشلع كلبي وجبدتي .... ماردتلي
غير الخير انته ....... ماردتلي
شح الخير من فركاك الية
..................................
ذهب صافي طبعنة...... ما صدينة
وابد عن اليودنة .....ما صدينة
تصيد الناس واحنة.... ما صدينة
رغم نفس المكان انذب سوية
......................................
الوكت وياي ياصاحب ولك مال

وكضيت العمر لاناجح ولكمال

حتى الجان يوصلني ولك مل

كطع جيته ولا ينشد عليه

...............................
كتلني الشادعصابه هوازي
قريت احروف البگصته هوازي
سالته منين گال انه هوازي
سالته السكن گال الناصريه

..................................
اريد اليوم ابين الضام والضم
يالمنهم عذاب الروح والضيم
حبل حبك اضل بي اشد والضم
واخيط بي فتك ثوب الاذية

......................................

اوصي الراح والرد من رساله
شعجب شبساع ينسى من رساله
مشى وودا رساله من رساله
جهنم بالظرف وداها اليه
.....................................
الي احباب اعلمودك ودعوني
طحت ما شفت واحد ودا عوني
انا بعرسك دعوني ودعوني
نفسهم جانوا يشمتون بيه
.....................................
بوسـط دلالي نامــي - وانتي ظلي
واذا حُبـــي ظلالــه - انتي ظلي
اشوفچ ؟ وين اشوفچ - وانتي ظلي
اذا جوه الضـــوّه تصيريــن بيه
..........................................
سهم الدهر بين احشاي ينشل
جرحني والجرح هيهات ينشل
اريد النعش بيكم كون ينشال
وتهيلون التراب انتم عليه
.........................................
أنا أديت العلي بس انت شأديت
وعلية حروب وي دنياي شديت
طحت إكبال عينك وصلة شديت
وهجع وسفة كمت تركص علية00
.........................................
امانه اسراري يمكم ... ودعتها

وفرحتي بيوم شلتوا ... ودعتها

روحي الما تجيــكم ... ودعتها

وسحل يمكم اجيبنها باديه
...................................
يهل ناديت بسم اهواي عيدة
ويهل ماخذ دليلي وياك عيدة
الكلب مو بس بعد رمضان عيدة
عندي العيد من نكعد سوية
.......................................
تذم بية وتكول اترك ولك حل
والك واهس علي تقسي والك حيل
كتلك من دست جرحي ولك حيل
لكن بالهجر تجني علية
....................................
الكمر دنك يحب ايدك ولك مال
ودليلي مزاعل الدنيا ولك مال
امتحنت ومطلعت راسب ولا كمال
شاطر بالوفه وخذت ميه
......................................
بعدني وياك بالعشره ولازال
وحبك بالكلب ثابت ولا زال
وحقك صادق بحجي ولا ازل
اضل وياك الاخر نفس بيه
.......................................
الدنيه تحب طويل لسان ولبك
والساكت علف للذبان والبك
صفه المبيوك صاحب ذنب والباك
يهد وينثني وبيده صخريه
......................................
يفز مثل الكطة كلبي منشفاك
الك يالجان مشروبي منشفاك
عسة كلمن كطع شفتي منشفاك
سكم لا للحية ولا للمنية
وسلامتكم:65:

لحظات الصمت

13-10-2009, 01:37 AM

ابوذيات جميلة
سلمت يمناكِ لـطرحها

دمتِ بود

عاشقةالبتول

13-10-2009, 02:27 AM

:65::65:الله يعطيك العافية :65::65:

إشـــتياق الإنـــتظار

13-10-2009, 04:48 AM

http://alzezavon.jeeran.com/SahLsanek.gif

ابن المرجعية

13-10-2009, 01:24 PM

لحرفك الف معنى ومعنى

ولكلماتك همس خفي

ولسطورك سحر خاص

فكل الشكر لأناملك

ولرقة مشاعرك

ولدفئ قلمك

ولروعة قطرات حبرك

http://www12.0zz0.com/2009/04/21/06/529934147.gif (http://www12.0zz0.com/2009/04/21/06/529934147.gif)
http://www10.0zz0.com/2009/04/21/06/968992222.gif (http://www.0zz0.com/)

نور الصباح
.
.
.
كان هنا

نجمة البصره

13-10-2009, 04:48 PM

اشكركم على ردودكم الرائعه

واشكر اخي نور الصباح على الرد الجميل :65:

المدرس_1980

21-02-2010, 04:44 PM

تسلمين على الكلام الجميل

نجمة البصره

21-02-2010, 08:41 PM

اسعدني مرورك الرائع :65:

رفيق (الوائلي) الروح

22-02-2010, 01:39 AM

سلمت أناملك
يعطيك الف عافية

:65::65:

نجمة البصره

22-02-2010, 10:16 PM

اسعدني مرورك اختي الغاليه :11790700490:

اميره

06-03-2010, 07:58 PM

ابوذ يات قمة بالاحساس
مشكوووووووووووره
تقبلي مروري

نجمة البصره

07-03-2010, 10:16 PM

اسعدني مرورك اختي :65: