على الحيهم(لمبدع ايهاب المالكي

[ابو زهراء الغزي]

علة الحيهم نشامة الوطن ربانة
اذا واحدنة ضيم ايصيب جيرانة
بعد هدة عراقي.. المنيطگ بركان
كبر الاطلســـــــي مايطفي نيرانة
ربينة ابيت واحد حظن واحد چان
لسة البيت واگف بامل ذكرانة
اول ماتطب للبيت ماكو ابواب
من سعف العراق البيت بيبانة
بنينة ابطيب اساسة وحاوطيناه شوگ
ذني اثار ادينة ابوجه حيطانة
كتبنة اهنا عمر وهنا علي وعباس
طب ال كربله والنجف تقرانة
اكلنة بزاد واحد من فرد ماعون
ماتاكل وحيد الوطن وصانة
گدما لمة حلوة من ايصير الزاد
هور وجبل يگعد ياكل ويانة
چن بيت ابوذية چان ذاك البيت
وبگاع العراق الوكت خطانة
اذا تفرز شطرعن شطر معنة ايروح
من نلتم فقط يكتمل معنانة
ممكن نختلف بس اختلاف اخوان
مانعرف اتبات گلوب زعلانة
لذلك حتة مانتفارگ اثبتهة
جماعية لگوهة گبور موتانة
الف بئسا لمن حاول يشب النار
او لوّن غايتة بالوان دخانة
ولف بئسا لمن حط بالشوارع موت
عله ظهرالجنايز جثث خلانة
طبوبينة رادو اعداء انصير
حتة البيت ذاك اتطيح عمدانة
وحگ نسر العراق العله البيريات
وبهيبة وگفتة ابوجه عدوانة
وحگ طبگة اجناحة الرجفت صوبين
بي يدرون اذا تنفتح جنحانة
علمنة الوطن غاية حياة الموت
وبجذع النخل بالحرب شدانة
وقسم وياه قسمنة من ايمسة الضيم
نمتد حدر جدمة ارواح يلكانة

:65: :11790700490: :65: :11790700490:
منقول

[كتكوته]

:11790700490:مشكووووووووووووووووووووور خيو ع الكلماااااااااااااااات الروعه :11790700490:

اميرة الليل

[*llعاشقة الزهـراءll*]

يعطيك الف عاافيه خوويه
ابدااع يتلوه ابدااع منك
كلنا شوق لتلقي المزيد ومتابعته منك
ادامك الله نبراسا للعطاء
:65::11790700490::65::11790700490::65:

[نجمة البصره]

:11790700490:موفق بإذن الله ... لك مني أجمل تحية . :11790700490:

[ابو زهراء الغزي]

شكرا لكي اختي الغالية اميرة الليل
كم اسعدني وشرفني هذا التواجد
بصفحتي
لك مني خالص الود

[ابو زهراء الغزي]

الله عليك اختي الغالية عاشقة الزهراء
نورتي صفحتي لا حرمني الله من طاتك
وشكر لكي ولهذا المرور والتواجد الائم
لكي مني كل الحب والاحترام اختي الغالية

[ابو زهراء الغزي]

يسعدني ويشرفني هذا التواجد الدائم
منك اختي الغالية نجمة البصرة
شكرا لكي ولمرورك الغالي
لكي مني خالص الود