ورده وحسين (بقلم المبدع ميثاق الهلالي)

[ابو زهراء الغزي]

ورده وحسين

عاشوا فد شارع جيران أطفال اثنين
چان أسم الطفله السنيه (ورود
واسم الطفل الشيعي (حسين
يرسمون البسمه عله الشارع
يلعبون لحد آخر غيمه
ومن تمطر چان يغطيهه ومنهم گام يغار الشارع
شموع بدم الشمس اشتعلوا من يگدر چان يطفيهم......
ماكو عيون التحسد چانت
چانت عين الوطن عليهم
وكبرت ورده.... وكبر حسين
وگامت تخجل من عيونه
وماتگدر بعيونه تباوع لو مر من يم باب البيت
وچان يجيبلهه ويا ورده
....وما يلگاهه بسد الباب ويزرع گلبه أباب البيت.
وافتر زمن الموت الأسود بالوادم والحب أنداس
ناس تهرب دم وغيره
وناس تطفي عيون الديره
وناس تفرق بين الناس
وشالوا أهل حسين بليل
وظلت ورده تعد جروح
وينزف راس الشارع صبح
وادم غربه ورشاشات وموت ودم
جنازه ترد وجنازه تروح
وكسروا باب البيت وطبوا
لبدت ورده بسد الباب
وعاشت لحظة خوف وحيره
أبين الرشاشات العفنه وبين الورده البيد حسين
ونشغت وأتنخت بحسين
وسمع الريح وصوت جروحه تگله ورود
وهد حسين بطرگ هدومه
وشك هدوم الليل السود
وجاب ويا ورده من جروحه
ووصل بأخر نبرة صوت
ونزلت آخر گطرة دم من السچینه
الشافت بيهه ورود الموت......
وسمع الموت يحاچي الوادم
چانت اشرف لحظة موت
وماتت بحسين شچم ورده
وردت بعيونه الأيام
الناس الشارع ضحكة ورده وگلبه الينزف يم الباب
وهسه دموع وموت ودم وشمع بنار الشارع ذاب
وشدوا علم عله التابوت
وچلب بزياك التابوت
وحط الورده
وسددهه القنّاص بظهره
وطلعت روحه عله التابوت
وشيعهم بجنازه الشارع
وچان الموت يحاچي الوادم
چانت اشرف لحظة موت......
وچان الموت يحاچي الوادم
فلتحيا الورده السنيه
وفليحيا الفلاح الشيعي
وفليحيا عراق الحريه
وفليحيا عراق الحريه


منقول :65:

[إشـــتياق الإنـــتظار]

[ابو زهراء الغزي]

:11790700490: :11790700490: :11790700490:

شكرا لكي اختي الغالية عاشقة الحجة المنتظر

اسعدني وشرفني هذا التواجد الغالي
بصفحتي لكي من كل الود والاحترام

:oilkftr (27): :oilkftr (27): :oilkftr (27): :oilkftr (27):

[نجمة البصره]

[ابو زهراء الغزي]

يسعدني ويشرفني تواجدك الدائم
معي يا نجمة البصرة
لا حرمنا الله من طلتك
:11790700490::a: :11790700490: :a::11790700490: