تويت
اخ الكـــــاع صاحت من برز عباس وخافت من كمر عدنان يفنيهـــــا
يفجر غيرته ويزرعها كلهــــا سيوف ويهد اجبالها بس لـــــو نظر ليها
كل اعداه ملتمة الجيوش صفــــوف ترجف خوف من صوته اليحاجيها
واركاب العدة سجدت علــى التربان لان يدرون سبع الكنطرة اعليهـــا
وطب نهر الفرات وجاب منه الماي واجـــة الاختة بوفه الكافل يواسيها
كاللها يزينب انتي امنـــــــي وياي لتخافين دنيـــة والكمر بيهــــــا
انا العباس يازينب وحك عينـــاج اسال نور الشمس عالروس وامحيها
ولــو صارت تدير العين هي اعليج ابجيها نـــــدم يالحرة واطفيهــــــا
وحك ضلع الزجية وهامــــة الكرار جثث وبعينج اتشوفين ابجيهـــــا
واشيل الكاع لجلج واردي هام الكون وبجفي يزينب كلها انفيهـــــــــا
خادم اهل البيت عليهم السلام
احمد رفيش
تعليق