المساعد الشخصي الرقمي

مشاهدة النسخة كاملة : ماردت احبك (لشاعر المبدع ايهاب المالكي)


ابو زهراء الغزي
14-11-2009, 05:56 PM
:11rob: :11rob: :11rob: :11rob::11rob:

ماردت احبك حاولت
من لفضة اسمك حاذرت
كلمة وشلته من الحجي ومن السان اخفيته
وبيبان روحي مقفله وعن لا احب سديته
صلفه امنياتي الرادتك
سالتني عنك بس صمت كلش ولا حاجيته
كالتلي وينه وجاوبت
ما ادري
ما دليته
وما ردت احس حبك لان كبلك الروح اطيته
ولخاطرك رحت اعتذر منيت بيه لخاطرك
مثل الطفل لمن يمن بحاجته
وياك اعز ناسي انتهو ماكمت احس بعازتك
وبدربي كلت لو مو سوه امشي بحياتي بلا درب
يمكن يشح عني الهوى
لا
معقوله ما نمشي سوى
مقوله في لحظه الشمس للكاع وما تنطي ضوه
وننتهي وما نلكي صبح
معقوله يطلعلي جرح
معقوله ريشة شفتك ترسملي بلضحكه رمح
لا
لا موصدك
خلينا من هذا
بجفوني سوله اعله البجي
وصياد كاعد بلجفن للدمع شايل فالته
وياك اني جن صرت مثل لهلال وهالته
كالولك ايعوفك تره
تذكر كبل كتلي شكلهم
كتلك اي
كلهم لون من يمي تمشي جنازته
هو اني عايشلك لان دمي الاعز ما بلجسد بس انته تعرف حالته
ولما يحس بلمستك يخلص وتبقى وشالته
تذكر جنت من تعتنيلي بلهفتك مشتاك حتى تشوفني
وتلكاني روحي مشككه ولمسات اديك اتروفني
تتركني هسه قررت يطيك كلبك ننتهي وبس بالاحلام اتشوفني
مليت كلي كمت امل
شيحمله ليلي بوحدتي
وجذبت كتلك ينحمل
كتلك لمن تمشي تره
تتركني وحدي جن طفل
تايه وكل اهله مشوا
كلشي ليمر ايفززه حتى الشماته اتفززه
من يمشي ويهب الهوى يلتفت حسباله مشو
لكن لمن يتذكرك حتى الشماته الي لمابجو من شافوا دموعه بجو
هيجي انه من عني رحت ما تسكت ادموعي
ولو دورتك انه بغربتي
شفتك وطن حنيت الك
لكن لكيتك غربتي
وحتاريت بيهن ياهو اصح مابين ذلي وعزتي
اختاريت اعوفك حتى لا
تكسر قرارك دمعتي
ونيت سكته ما ردت يتشمتون بونتي
صح
صح اضحك بنبرة فرح بس ركز بصوتي بعد
تسمع نحيب بضحكتي
هم مثلي كلبك ما نسى
وهم بعد من تمشي درب تذكرني خطواتك بعد
تترك فراغ لخطوتي ؟!
لا تسكت الا بينت
بين اثره بعبرتي
ولا تلتفتلي بس ردت
اطيك اخر ما بقى
وهو شبقى مني خذت كلشي
وبقن دمعات اليك بذمتي


منقول

نجمة البصره
18-11-2009, 03:46 PM
http://img529.imageshack.us/img529/1606/l7rhe5.gif

ابو زهراء الغزي
18-11-2009, 09:51 PM
:65::65:

امنوة والله صفحتي
يا نجمة البصرة
لا حرمني الله وجودك:65:

Noor alhoda
17-01-2012, 04:30 PM
http://www.islam-network.net/Vb/imgcache/2/4639alsh3er.gif

عاشقة السيدة زينب ع
08-02-2012, 04:49 PM
بسم الله الرحمن الرحيم
اللهم صل على محمد وآل محمد الطيبين الطااهرين
وعجل فرجهم وألعن أعداائهم
مشكور خيي على القصيدة الراائعة
الله يعطيك ألف عااافية
جزاااك الله خير جزااااء