من جــــرح لجــــــــرح

[نجمة البصره]

من جرح لجرح يا نار اداور بيج

تبرد من كتر .. من كتر تجويني
ماعوفك بعد ماخذ عهد بالروح
راضي لو حطب للنار ترميني
واتنفس هواك بزحمة الدخان
واكولن هم يحن كلبه ويطفيني
مو ثوب وينزع عن جسمي حتى ارتاح
ولا كل يوم طبعي بثوب تلكيني
محتاجك حبيبي
مدري شلون ومدري ليش ؟
ولا جويات نيرانك تنسيني
مادور كمت عزة نفس وياك
بس طاري اسمك حبيبي دوم يبجيني
يا اجمل حلم شفته بخيال النوم
وقيثارة لحن صوتك توعيني
محتاجك حبيبي بكثر ما محتاج
واحد يفتهم حجيي ويحاجيني
صورتك حلوة وصارت عليك العين
وحرامية العشك ترسو بساتيني
ما تلحك علية نطارة الناطور
من ترمش عيوني انباك تدريني
سولفلي التريده جروحي تعبانات
خليني افتهم شتريد خليني
وانآ وياك واضح مثل شمسك هاي
وغربيل العواذل ما يغطيني
انآ بغير حبك صدك ناقص دين
احبك .. واريد اكمل وياك ديني

[صباح جاسم]

:sw:شعر جميل

[ميثم التمار]

وجعي قد غفا بعد طول رقاد

وقد حسبت انه لن يغفو

اليوم وقد قرات شعرك
فزال ياسي وهدات انفاسي
شكرا اختي حقا قد اسعدني التنفس
بين اهاتك المعبرة

[نجمة البصره]

:oilkftr (27):اسعدني مروركم:oilkftr (27):

[ديجيتال]

واوووووووووووووووووو ملكة شعرية رائعة صور شعرية تجنن يا نجمة البصرة

[نجمة البصره]

:11790700490:اسعدني مرورك العطر:11790700490:

[علي الشويلي]

والله عجبتيني بالشعر مالتج وين لكيتي ~بس الى من هاذ الشعر يا ترى هل من مقصود

[نجمة البصره]

اسعدني مرورك