شهد الشمري واثير البصري وقصيدة يارقيق روعه

[نجمة البصره]

يارقيق
يارقيق اسنين مرن عالغرام
انته تبعد واني باقي مناطر
لابعت حبك ولا مره شكيت
واكثر من اليوم احبك باجر
جنت اشوف الناس كلها بلا وجوه
ومن شفت وجهك صحت ياساتر
وجنت عايش بالزمن مالي حضور
ومن عشكتك كمت احسن حاضر
يارقيق الشوك ذوبني عليك
يمتى بوصالك تجبر الخاطر
مرن اسنين وعليه وصلك شحيح
شحت الجنه على جدم الكافر
اني محتاجك لان دربك حياة
وجاي اشوفك على الوصال تكابر
يا ارق استاذ في قسم الحنين
المايجاوب بالعشك مو شاطر
يارقيق ارجوك بدالني الشعور
بلا شعور يموت تدري الشاعر
خلي اكولن بالعشك بختي جبير
كافي اكولن بختي بالحب عاثر
انتخيتك فدوة عبرني ضرير
الحي مطارك كلبي نيته يسافر
بتذكرت حبك طمع كلبي اكيد
لاتاجلني الشعارأ اخر
تعبتني دخيل حسنك يارقيق
وداعت عيونك بعد مو كادر
بادرتلك ياما بدفاتر غرام
بكلمه يمعود دخيلك بادر

[علي الشويلي]

الله حلو الشعر بس اكو احد كل هل البسامير مملكه الشعرانتي شنو هاي يسلموا

[ابو زهراء الغزي]

الله يعطيك العافية يا مبدعه
دام لنا ابداعك وجديدك
تقبلي مروري

[نجمة البصره]

اشكركم على ردكم :65: