اياد الفرح
04-01-2010, 01:07 PM
نحبك ياحسين
نحبك احنه وصوت بينه يعتلي
يا حسين ألغيرك احنه ما نحب
يدور اسمك ياحسين وي الدمه
يلي حبك بيه ينبض هل كَلب
نعطش ومن نذكر اسمك نرتوي
أنت كوثر زمزمك كلش عذب
انكسفت الشمس بحزنه من طحت
وأنت شمسك ابد لا ماتنحجب
أنت نور الله صرت عللارض
ولتــــــــــوسل بيك لله يقترب
أنت حبل الله يعني أنت الصراط
وليكرهك ما عبر ضل مضطرب
شيحسب جروحك ليريد بكربلاء
جرح ينزف جرح وجروح أتصب
جرح سلب العيله لو حرك الخيم
لوجرح متن العقيلة إلي أنـضرب
لو ذبح عبد الله وجفوف الكفيل
لوخدر سكنه وعليك شكد صعب
وعله السجاد ودموعه التسيل
لو دمه الأكبر السال عله الترب
يا حسين ألعطشك نهر الفرات
جـــان يكدر للمـــــخيم يقترب
وهو يدري بعطش عبد الله الرضيع
وبعد يدري بكلب أمه الملتهب
شنهي عذره هناك لوصار السؤال
ما شفت الحسين مكطوع الدرب
ليش موجاك الكمر يمك وصل
وشال مايك بيده لكن ماشرب
احنه عدنه حساب أبيوم الطفوف
نحسب الموجود داخل بالحرب
أنت ويه حسين لو ويه الشمر
وأنت أبفعلك عليمن تــنحسب
حسين مات أبجرفك من العطش
ما رويته أنت يل كلك ذنب
ما رويته أنت هاذه اكبر ذنب
الشاعر أياد الفرح
نحبك احنه وصوت بينه يعتلي
يا حسين ألغيرك احنه ما نحب
يدور اسمك ياحسين وي الدمه
يلي حبك بيه ينبض هل كَلب
نعطش ومن نذكر اسمك نرتوي
أنت كوثر زمزمك كلش عذب
انكسفت الشمس بحزنه من طحت
وأنت شمسك ابد لا ماتنحجب
أنت نور الله صرت عللارض
ولتــــــــــوسل بيك لله يقترب
أنت حبل الله يعني أنت الصراط
وليكرهك ما عبر ضل مضطرب
شيحسب جروحك ليريد بكربلاء
جرح ينزف جرح وجروح أتصب
جرح سلب العيله لو حرك الخيم
لوجرح متن العقيلة إلي أنـضرب
لو ذبح عبد الله وجفوف الكفيل
لوخدر سكنه وعليك شكد صعب
وعله السجاد ودموعه التسيل
لو دمه الأكبر السال عله الترب
يا حسين ألعطشك نهر الفرات
جـــان يكدر للمـــــخيم يقترب
وهو يدري بعطش عبد الله الرضيع
وبعد يدري بكلب أمه الملتهب
شنهي عذره هناك لوصار السؤال
ما شفت الحسين مكطوع الدرب
ليش موجاك الكمر يمك وصل
وشال مايك بيده لكن ماشرب
احنه عدنه حساب أبيوم الطفوف
نحسب الموجود داخل بالحرب
أنت ويه حسين لو ويه الشمر
وأنت أبفعلك عليمن تــنحسب
حسين مات أبجرفك من العطش
ما رويته أنت يل كلك ذنب
ما رويته أنت هاذه اكبر ذنب
الشاعر أياد الفرح