تويت
يل تحب حسين شارك الطم واسي الزجيه
أنت واكف عالصراط تعبرك للجنة هيه
....................
يل تحب حسين هذه أعظم مصاب
ارفـــــع أيدك للــطم رد الـــجواب
مــن لطمتك كون يطلعلك خضاب
أوصل الصوت العلي حامي الحمة
..........................
الطم انته الــــــطم تــــدري شفيد
حرر الأحــــــرار الجــــانت عبيد
اللطم لعنــــه على الشــمر ويزيد
وبلطـــــمتك والله أنــــت ترجمه
......................
يل تحب حسين وتحب الرضيع
وحب أبو السجاد ادري ماتبيع
أنت لطمك هاذ لتكــــــلي يضيع
تاخذ من الخالق اكبر مكرمه
......................
مكرمه من الباري ينطيك الجنان
يحفظك من الفتن في أخر زمان
تحــفك الأمــــلاك وين بأي مكان
وليريد أيضرك انته تهزمه
...................
يالتحب حسين وتـــــــريد الاجر
واسي أمه يله الــــــــطم عالصدر
يحضرك أهوه والله في يوم الحشر
وتاخذ أنت صك شفاعة فاطمة
.........................
فاطمة الزهراء هم مثلك تون
والظلع ملجوم مـن كثر الحزن
والله متعـــوفك ابد لا لاتـــظن
ونت لاطم للحسين بمأتمه
.....................
الإمام المهدي يمـك ينظرك
الطم أنت حتى اظهر يخبرك
الطم ونادي يمهدي شأخرك
من شفت نار بخيمكم مظرمه
.........................
من ضربت السوط ماواحد سلم
وزينب بحال المصيبة والألــــم
نادت اظــــهر ياولي شيل العلم
وشوف عبد الله يرفرف بالدمه
.............................
الطـم ألزينب حزنه خــــل يزول
حسين صدره داسته كل الخيول
خل يشوفه النبي ونشوف شيكول
ذوله هــــــــــم منه ينالوا مرحمه
................................
اللطم انته وبالطم نزف اللدمه
واليكـــــلك ليش ينصاب بعمه
أنت عهدك للـــحسين اتسمله
كل سنة بعاشور احنه نخدمه
........................
خادم الإمام الحسين
الشاعر أياد الفرح
تعليق