المساعد الشخصي الرقمي

مشاهدة النسخة كاملة : هذني جروح كلبي الماكدر ينساك


نجمة البصره
18-01-2010, 09:15 PM
شلون تـــروح مني وانت بيه تعيش
شلـــــون انطاك كلبك تبتعد عنــــي




مامرعلى بالك بيه شنهــــو يصير؟؟
واذا فكرت زحمه شلــون تطعنــي





لان بـعـدك خناجر خاون السجيــــن
على دروب الهجر كامـن يذبحنـــي



امـــوت ابلايه انـت وانـت بيه تعيش
او مـن تروح بــــيـدك انت تكتلنــي



تكطعني السيو ــف ابكلمه الـشمات
واتــحمل واكـــــولـــــن يالله داونــــي



وصفه ليل الــحـــزن والناي والصفنات
مـــــوال الكلـــــب بــــعـــدك يسلنـــــي



وسل جـــرح القصيده وتنزف الابيات
واصفنهة القوافـــــي ومايــــصفننـــي



بس ارجـــــع واكول شـــلون والايام
ابنار الـــــذكريات ويـــــاك يجوعنــــي



واكطع روحــي بيدي ابخنجر العذال
وربيبات الحــزن بالنوح صبرنـــــي


واكول تهون مــره ومــره لا متهــون
شما اكلب صــورهــــــن مايرحمنــــي



وخطيه الروح عاشت شجره بالصحراء
يحركهة العطش ودموعي يرونــــــي



تذكر من جنت ورده ابوسط بســــتان؟
واجتــــي جفوف اديك بشوك كطعني





وكلتلك هاك اخذ ورداتي والاغصان
تريــد اجفوف اديـــك المايريدنــــي




عايــــن على اجفوفك راح تلكه اثار
مـــن قبلت كلبك هــــنــــة شالنـــي





وي جفوف اديك الذكــريات طــــوال
بس هي المصيبه شـلون ينسنـــــي



بعدك راح اسد باب العشك على الروح
وسجن روحي بيدي وهــــي تسجنــي



تعال جروحي عدهن من هجر يومين
وبهيده مــــــن تعدــهـن لا يلجمـــني




هــذني جروح كلبي الماكدر يـــــنساك
وهذني جروح عمري وذني وي ذنـــي

ابو زهراء الغزي
26-01-2010, 11:36 PM
شلون تـــروح مني وانت بيه تعيش
شلـــــون انطاك كلبك تبتعد عنــــي

الله على هذه الباقة الحلوه
من الابيات لا حرمنا الله جديدك

نجمة البصره
29-01-2010, 09:25 PM
اسعدني مرورك :oilkftr (27):

عشقي محمد واله
01-02-2010, 12:59 AM
بسم الله الرحمن الرحيم

اللهم صل على محمد وال محمد وعجل فرجهم الشريفـ

سلمت الايادي اختي ( نجمة البصره ) ع الشعر الجميل

وفقكِ البارئ عز وجل

</b></i>

نور المستوحشين
01-02-2010, 02:03 AM
http://www.voice-hussein.com/vb/mwaextraedit4/extra/97.gif

نجمة البصره
02-02-2010, 08:01 PM
اسعدني مروركم العطر :a: