من امسح ادموعي جنت اهدم كبور

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة
  • نجمة البصره

    • Sep 2009
    • 5734

    من امسح ادموعي جنت اهدم كبور

    على شفاف الجرح طعم الخسارة ايطيح
    يدري بطعمه مر ويشتهي مجبور
    بي خيرته ماخيرته بيـــــــن اثنين
    مااسمح بغيره وماعدا محضور
    ردته يموت جرحي وخاطرة مجبور
    حي ماردته يبقى وخاطرة مكسور
    ينزف ذكرياتك ضال احتـــــــــــــــار
    انتــــه اتدوربية لوالدم اتدور
    لان حافر بخدي للدموع كبــــــــــور
    من امسح دموعي جنت اهدم كبور
    تعرفهه القصيدة الالي من الدخــان
    رمــــــاد يطير منهه لاتظن طيور
    من يدري القلم كاتبهه الك يغتاض
    ويشكك صورك والقوافي اتثور
    مملكتك بروحي انقاظ ظلت ليش؟؟
    مالك اثر بيهه بس بقايا قصور
    لاعرشك لكيتة لااثـــــــــــر للتاج
    لاظلت رعية لاحـــرس عالسور
    انه دورتك ورديـــــــــت مالاكيك
    رد جيش امنياتي منسحب مكسور
    وانه خايف لان عد ذكرياتك سيف
    انه بس جرح شايل من خفت معذور
    حتى أبياتي احس صارت مشانق ليش؟
    على ركبة خيالي المفردات أتدور
    بارض اوراقي اكو معتقل مابي باب
    بي مقصلة لشعري وبي كبر محفور
    على كل سطر ملتف سلك شائك حاد
    خاف الكه القصيدة ذابحتهه سطور
    تدري شكمت اسوي حتى اوصف بيك؟
    كمت اترك المطلع على اوراقي شهور
    اذب جرحي طعم حتى الصور تلكاه
    اذا حسن خيالي بي جرح منثور
    واتناساه جذب بس انه بالي وياه
    ويلتمن واكضهن واكتشفهن زور
    اردقلمي مثل كلكامش من يعود
    من فكرة بخيالي عابرلهه بحور
    وتلاكي نوارس ذكرياتك بيض
    بس من يوصلنله يكتشفهه صكور
    صح شارد فكر بس عن حذر مو خوف
    لان مملحة ضعفي علجروحي تجور
    انه شفتك بعت ماطاح بذني السوم
    لوعالسمع سهلة علسمع مكدور
    اذل روحي نعم بس موالك للزين
    انه يم الشماته بالعكس مغرور
    اضم جرحي بقبو حتى الضوة يعميه
    شني من جرح عندي ينعمي بالنور ؟؟
    من تحطني بجمر شتريد ثلجي يذوب؟؟
    خل تبرد جروحي وانجمد مشكور
    صح ابرد اذا بعيوني دمعة اتطيح
    بس اكتشف بيهه شاعريتي تفور
  • ابو زهراء الغزي

    • Oct 2009
    • 1070

    #2
    :55555":

    الله عليك يا نجمة البصرة
    والله على هذا الاختيار الرائع
    من القصائد الى الشاعر ايهاب
    شكرا لكي ولحسن الاختيار
    تقبلي مروري

    تعليق

    • ابن المرجعية

      • Sep 2009
      • 525

      #3
      جميل جداً كلمات
      تستحق الشكر والتقدير

      والوقوف عندها بكل احترام
      اقف هناة كي اعبر عن اعجابي
      بـ ـاسطرك الزاهية
      احرفك الجميلة
      تزينت بمشاعرك الصادقة
      وتعطرت بـ ـا حساسك النبيل
      حاولت ان اقتبس شيْ من صفحتك الجميلة
      ولكن ماذا اريد ان اقتبس
      وماذا اترك
      احرفك جميعها تحمل الكثير من المعاني
      لا يسعني سوى ان
      اتقدم بـ الشكر الجزيل
      الى صاحبة القلم الذهبي
      لا تحرمينا من جديدك
      لكي ودي وجزيل شكريـ

      تعليق

      • نجمة البصره

        • Sep 2009
        • 5734

        #4
        اشكركم على ردودكم الرائعه

        وانشالله اقدم المزيد لعيونكم :65:

        تعليق

        يعمل...
        X