أولاد رملة

[اريج الجنه]

أولاد رملة

شبان اثنين ردتهم سلوتي شبان اثنين
بو محمد وين يشوف مصيبتي شبان اثنين

عيني اليمنى يا جاسم فارقت عيني ضواها
و أحمد اليسرى يا وسفة و السهم صكها و عماها
تضيعوني بدار غربة جان قلتوا من وياها
وياي حسين و هو نعم الولي لو يبقى حسين
ما تبجي العين و لو مذبوحة لي شبان اثنين

شبان اثنين ردتهم سلوتي شبان اثنين
بو محمد وين يشوف مصيبتي شبان اثنين

أحمد مصابه شعبني و خل مني القلب ذايب
ستعش عمره يا روحي ما شبعت امن المصايب
ريت أبو محمد حضرها كربله و لا جان غايب
ينظر بالعين مصايب كربله و تلويع حسين
و آنا صوبين احداي مجدلة شبان اثنين

شبان اثنين ردتهم سلوتي شبان اثنين
بو محمد وين يشوف مصيبتي شبان اثنين

يا جاسم يا شبيه الحسن دوهشني مصابك
بدمك و دمعات عيوني يالولد بعجن اخضابك
يا غصن بان التلوى و انقصف نبعة شبابك
وين أمشي وين و أنا أسمع ونتك يا نور العين
دهورني البين يا جاسم و اخوتك شبان اثنين

شبان اثنين ردتهم سلوتي شبان اثنين
بو محمد وين يشوف مصيبتي شبان اثنين

خابت ظنوني يا جاسم و انقطع منك نصيبي
من يطفي نار قلبي و من يدليني دروبي
الحرم كلها فاقدات و من يساعدني بنحيبي
بجبدي جرحين و اهي متمردة لفقد الغصنين
أتسلى منين و يمي ممددة شبان اثنين

شبان اثنين ردتهم سلوتي شبان اثنين
بو محمد وين يشوف مصيبتي شبان اثنين

يالأولاد انتحل جسمي و اسهرت ليلي برباكم
أملت باقضي حياتي يا ضيا عيني بذراكم
شو جفيتوني شوفوا اشحل علي من جفاكم
دهورني البين و عندي اتلملمت لوعات البين
راحاتي وين و ليه اتعفرت شبان اثنين

شبان اثنين ردتهم سلوتي شبان اثنين
بو محمد وين يشوف مصيبتي شبان اثنين

يالاثنين الماتهنوا بالشباب و فارقوني
ذاخرتهم للمهمة و يوم دفني يلحدوني
هاي تاليها يا جاسم بين أعادي تضيعوني
حقوق أمك وين و تبقى مسيبة يا نور العين
و طعنة رمحين مهجتي مشعبة شبان اثنين

شبان اثنين ردتهم سلوتي شبان اثنين
بو محمد وين يشوف مصيبتي شبان اثنين

[نجمة البصره]

[ابو زهراء الغزي]

:55555":

احسنتي اختي الغالية وبارك
الله فيك تقبلي مروري

[اريج الجنه]

كل الشكر و التقدير على مروركم النير
لا خلا و لاعدم
دمتم