المساعد الشخصي الرقمي

مشاهدة النسخة كاملة : الى بطلة كربلاء


خادم الباقرع
29-01-2009, 08:50 PM
الى بطلة كربلاء





http://www.1ss1.com/2008/1/1ss1_aw3xSPL2YU.JPG




ياصوت الطفوف الصـار چن زلـزال
هز عرش الطغـاة المارضـت تسمـع
يلسان الصميده الحيـد داحـي البـاب
ياسيـل البلاغـه السـال مـن منـبـع
مـن طـف كربلـه الآلام والأحــلام
ويّه الروس تمشي وكـل جفـن يدمـع
آلام المـصـارع والخـيـم والـنـار
واحـلام الأبـاة المـارضـت تـركـع
والتاريخ ينظـر للظعـن مـن سـار
مذهـول النظـر متحـيّـر اشيصـنـع
يكتب عن جسد لو عن رمح لـوراس
لـو منحـر يغـذي اسيـوف ماتشبـع
يكتـب عـن عقيلـة حيـدر الكـرار
يكتـب عالنـيـاگ التعـثـر وتظـلـع
لو يكتب شمس ضمّت ضواها ابسـاع
خجلت مارضـت فـوگ الظعـن تطلـع
مارادت نـذل ينظـر خـوات حسيـن
والشّمـات جمـر اعيونـهـم يلـسـع
مارادت تشوف اخيـال زينـب عيـن
مـارادت گلــب عـبـاس يـتگطـع
حار اشيكتـب التاريـخ عـن الصـار
ويشوف اليتامـى مـن الهـزل تـوگع
خط اسـم العقيلـه ابلبـة الصفحـات
شاف النور خط اعله الـورق مصـرع
***** ***** *****
ينظر للعقيلـه ايشوفهـا ابكـل عيـن
خيمـه وهاليتامـى ابظلهـا تتجـمـع
هاي اربات حيـدر صفـوة الطيبيـن
چف يمسح دمـع چف شايـل اليرضـع
سارت بالظعن والروس فـوگ اتلـوح
منصوره وضواهه اعله السمـه اتربـع
موش اظعون سارت تحدي لرض الشام
مظمـون الرسالـه وسرهـا المـودّْع
نشرتها ابأرض تخنگ زرعها ابسـاع
بس شوف العقيله اشلـون مـن تـزرع
كل مصباح ثوره اضحت تشب بالشـام
تـرهـب للطـغـاة البلظـلـم تـرتـع
هاي اخت الشهيد الطاح لجـل الديـن
بيها الديـن يفخـر لنهـا ليـه ترجـع