تويت
إجيتك شايل اشواقي.. لهيـب وبالجَمُـر يِسعَـر
أجيت ولِك أنا مشتااق..ودمعي عل الوجن حـدَّر
إجيتك والدمع عبرات..وشوقي لـك بعـد يكبَـر
ألف كلمة عبور أهديك..وانتي مسكّـرة المعبـر
قصائد هزت الدنيـا ..رسائـل والكـلام أكثـر
كبير وبالعمر جاهـل .. وعقلـه بالعمـر يكبـر
صغير وجارحة عيونه .. برئ المشية والمنظـر
أشوف الدنيا بعيونه.. نجـوم توانـس ال يسهـر
واشوف الدنيا فرحانه .. اذا منها الفـرح يظهـر
عبيرك كالأريج فوّاح.. ومرتـويِ بْنـدى العنبـر
فداك العمر وسنينه.. فداك البحر ..فـداك البـر
اسرت االقلب يالأغلى.. وانا اتصبّر وانا اتصبّـر
يايُمّه الحبر خلصته.. وما ظل ورقة في الدفتـر
يايُمّه ذا حبيب الـروح .. وقلبـي بـس يتْذَكَّـر
تقول أمي : يابعد الروح ..دربك شـوك ومعثّـر
تناسى يابعد عمري ..تناسـى ذا الهـوى أكبـر
يايُمّه مقدر انساها ..هواهـا فـي القلـب يكبـر
إجيت انسى.. نسيت نفسي وغَلاها عندي ما تغيّر
عجز مني الوصف يوجز..تِحِير وتستحي الاسطر
مثل طير الشواطئ يحوم..عنيد وبعد مـا وكّـر
عبالي أعلق العشرة.. وأضوي له درب أخضـر
واهدي العمر لو يبغيه.. وأهدي من الورد أحمـر
عَبَالي الوقت يجمعنا .. بصدق الحب مـو أكثـر
عَبَالي اْسْهرمعاه الليل..خالي البال من كـل شـر
تنام الناس مرتاحة .. وانا وايّـا النجـم نسهـر
تمنّى الجفن بس يرتـاح.. يرافقنـا الأرق اكثـر
انا ما كنت أظنّ بيوم ..بِلَوعـات الهـوى تِكبَـر
نسيت وحاولت انسى ..لقيت الحب قـد سيطـر
تناسيت الجرح لكن .. وجدتِ الجرح صار أغور
حبيبي كيف تنساني .. وعلى فرقاك انـا مَقْـدر
وما كان العشم فيكم ..في عـزّ الحاجـة تتكبـر
تركت الدنيا من شانك ..وتتغلى بعـد أكثـر !!؟
إلك يرخص علي غالي ..وتطلـب انـت تتأمّـر
صحيح الحبّ ذا بَلْوَه.. ومو بيـدي أقـول أكثـر
يايُمّه ذا الوصف كافي ..عميق وتستحي الاسطر
يايُمّه الحبر خلّصتُه ..وما ظل ورقة في الدفتـر
قبل ما روح واتركّم.. حبيبي انساني لـو تقـدر
تناساني اذا تبغـى .. وانـا النسيـان مـا أقـدر
انـا مـا همّنـي الا السعـادة لـك مـو كثـر
أنـا مـا همنّـي الا السعـادة لـك مـو أكثـر
تعليق