المساعد الشخصي الرقمي

مشاهدة النسخة كاملة : أبو ذيات منوعة لأهل البيت ع من نظم الموهوب سالم البكري والرادودملة ياسين الوائلي


نجمة البصره
24-02-2010, 03:35 PM
بسم الله الرحمن الرحيم
أقدم لحضراتكم هذه الأبوذيات الرائعة وهي من نظم الموهوب سالم البكري والرادود ملة ياسين الوائلي
.لاتنسونا بالدعاء والرد جزاكم الله خير الجزاء



علي بالظيم بس يازمن لحيت
وشوف جفوف أخوي شلون لحيت
تعنيتك ولاجن ولا لحيت
جفوفك والعلم بعدن علية


أخوي الهيبة والعزة وقاري
جم شاعر نظم حبة وقاري
يدنية أعترفي بفضلة وقاري
ضحة بعينة وجفوفة لاخية




نيران الهبت كلبي وجت لك
وزوار كصدت كبرك وجت لك
الحسين أنتة يقرأني وجت لك
على روس الرماح الكصت بية





يخوية أنتة دلالي وأنتة عزي
ولاأحتاج غيرك وأنتة عزي
أعزي بيك حيدر وأنتة عزي
ضلع الفاطمة الزهرة الزجية





الكبتك يبو فاضل من كبلنة
وفاز اللي نصركم من كبلنة
تدري أنتة بعدوكم من كبلنة
بنفس الغدر والخسة سوية





عكب غيبتك خوية من يسرنة
عسرنة أكثر يخوية من يسرنة
وسجادك تلوع من يسرنة
العليل وكربلة كلهن علية





بجيت وجربتك صارت وعالي
وجنت برايتك شامخ وعالي
صبحت أتغرغر بذبحي وعالي
وشمر يتفنن بنحرة الية





التمسك بيك ماضايع شفاتة
كلب زينب شنو الصابة شفاتة
يزيد اليضرب بعصة شفاتة
وأطفال وحرم تصرخ سوية


عزاكم كل سنة بكلبي لقيمة
وشخصي من أثر حبكم لقيمة
أيماني بمحبتكم لقيمة
يميزان العدالة الألهية





لطوف من الحرم للحرم وسعة
شكثر زوار بس حضرتك وسعة
بمواكب خدمتك لأجتهد وسعة
وأحظة بنظرتك يوم المنية



الشيعة تصيح مهدي وأنت أملهة
وعلينة أكتب شروطك وأنت أملهة
نجيب الجود بيدك وأنت أملهة
تروي العايلة الراحت ضمية

أسير الشوق
25-02-2010, 02:00 PM
يسلموووو ع طرح الرائع
تحياااتي

نجمة البصره
28-02-2010, 09:24 PM
مشكور اخي على ردك الرائع :11ap:

دعاء الصباح
02-03-2010, 06:42 PM
يسلموووووعلى الطرح الرااائع

علويه حسينيه
02-03-2010, 07:34 PM
:61:سلمت الايادي
الف شكر:61:

نجمة البصره
07-03-2010, 10:18 PM
اسعدني مروركم الرائع :11790700490: