كربلاء عباس

[اياد الفرح]

كربلاء عباس
...
كر عباس بلاء حسين
بــــالحومة وفتك بيهه
كرعباس مثل كرات
حيدر من نزل لـــيهه
يكر الروس عليهه ايدوس
ويه الكاع ايساويهه
جيش الهاد ظل اجساد
ماكو اركاب مابيهه
بيده السيف يطلب حيف
قرر كــــــــلهه يفنيهه
غضب زلزال لمن صال
زلـــزل كــــــــل معاليها
صداعة صوت جن تابوت
أوهبته ارواح يجليهه
ملك الموت حس بالموت
مايكدر يصل ليهه
بالارواح موقف راد
ياخذ حته يحصيهه
شما يحسب يرد يعيد
ياروح الي اول ياهي تاليهه
يضل الحساب يم عباس
بعداد السيف تلكيهه
ربع لحظة برق لمضه
خبطها وشرب صافيهه
اسد ضرغام صار حزام
خوه بكل معانيها
تعرفه الناس شهم حساس
حروفه بغيره يمليهه
لخوه حسين انطه العين
نزع جفينه يفديهه
صناعة مدي ان كرار
يعرف كربله شبيهه
ابن الطوع انس وجان
وأيد الدنية لاويهه
يا بحر الكرم والجود
يا ساقي العطاشه اسكيهه
....
الشاعر
اياد الفرح

[نجمة البصره]

مشكور شاعرنه

[نور المستوحشين]

[محـب الحسين]

قصيده رائعه
سلمت أناملك الحسينيه

ينقل لقسم الشعر الحسيني