قصيدة عن مولد الإمام الحسن العسكري

[محب الكاظم*]

بدفتر إمامي إنكتبت أسامي
بالمولد كلمن يفرح اسمه يتقيد
و يوقع إبنه المهدي و جده محمد
*****
ثالث عشر معصوم ميلاد رحمه
تتفاوح النسمات نسمه إعله نسمه
و اللي طبع هليوم علشفه بسمه
هذا بصحيفة نور يتسجل اسمه
بلحن التهاني تحله الأغاني
هالدنيه اتغني ويانه و فرحتنه تمتد
****
بالعسكري الأفراح حققها ظني
و للزهره و الكرار واجب نهني
للهادي نغمة شوق إرسلها عني
كل نغمه تحيي الروح يسمعها مني
للمهدي حبنه ايمهد دربنه
و بمولد عود المهدي هاتف تردد
****
خلها بهواها العين خلها بسحرها
كحلها ميل الشوق و الحب غمرها
بسم الحسن هليوم طايب سمرها
قيثارة الأشواق يعزف وترها
بمولد خليلي يعزف دليلي
بالعتره هايم قلبي علحب تعود
****
للعسكري النجمات باتت مزهره
و الدنيه هودج نور طيب و مسره
يحله الطرب يا روح و اعيوني كَمره
و أخطف نجوم الليل من كل مجره
بحب الأطايب دلالي دايب
متولع قلبي بحبهم ولهم تودد
****
للعسكري أوصاف ربك حباها
من وجهه شمس الكون أخذت ضواها
يحمل بصيره و روح واسع مداها
حامل صفات الطيب من جده طاها
و بوجه شايل أروع شمايل
من مطلع نور الهادي نوره ايتجسد
****
هالعسكري بأطباع جده ايتمثل
كعبة أمل ما خاب من بيه تأمل
هذا إنته يالتهواه لو عنه تسأل
بدفتر أبو الموعود اسمك تسجل
ساعة وفاتك ضامن نجاتك
بالمحشر طيب أعمالك للجنه مسند
********

أيمتنه ونودهم على اعناد الليضدهم
أختصرناها ابكلمتن نحب العسكريين
**
الولايه من لدن ذات الجلاله هديه الكل موالي
علينا اش ماحجو أهل الظلاله ابحجيهم ما نبالي
مشينا ابخط أهل بيت الرساله وسواهم ما نوالي
عرفنه العسكري أبعصمة كماله بلغ أوج المعالي
علي الهادي ابجهوده بلغ ذروة خلوده
التزمنه ابخط الاثنين نحب العسكريين
**
أهل بيت النبوة وعلت الكون محبتهم هدايه
نحب حبين واحد حب الجنون او واحد حب درايه
علي الهادي القلب والعسكري أعيون شرف كل البرايه
نواليهم حسب أنف الليضدون هويتنه الولا يه
الحسن زكه عملنه علي الهادي أملنه
رغم ما يصنع البين نحب العسكريين

أبمحبة عترة الهادي أكتشفنه براهين وتجارب
معاجز منهم أبكل دور شفنه وكرامات ومناقب
أبفضل سيرة علي الهدي هتفنه أبوجه كل النواصب
وامامي العسكري بيه أعترفنه وضمن النا العواقب
يفوز اللي هواهم يخيب اللي جفاهم
كتبنه امقلة العين نحب العسكريين

علي الهادي أبحمل ثقل الامامه يمثل جده حيدر
أبعلومه وسيرته ومنهج نظامه معالم العصمة تظهر
كيان العسكري أبنفس العلامه طفح علمه وتفجر
أبعلمهم للجهل زالو ظلامه زهى الكون وتنور
أبايمتنه أقدتينه ابمسالكهم مشينه
مثل حبنه للحسين نحب العسكريين




********



موال
امن العصمه ثالث عشر كوكب علينه أهل
و السحب مطرة فرح و اعله المرابع أهل
ما مثل فضل الحسن للفضل أصبح أهل
و العسكري اهلال من وصف النبي وصفه
و ابحبه قلبي صبح مثل الذهب وصفه
جس نبضي يا صاح و اكتب للقلب وصفه
و العسكري الكل جرح يا صاح دجره دوه
بالشدد بيه أحتزم لو يوم حيلي دوه
ابفضل أهل بيت النبي صوتي و لساني دوه
حيث أهل بيت النبي أطهر و أشرف أهل
طبعا القصائدكلها حق الرادود الحاج باسم الكربلائي




********************
مع تحياتي/عاشق ال محمد

[نور المستوحشين]

http://www.voice-hussein.com/vb/mwaextraedit4/extra/109.gif

[المرتضى حيدرة]

:55555":


اشكرا اخي
على الشعر الجميل


الولايه من لدن ذات الجلاله هديه الكل موالي
علينا اش ماحجو أهل الظلاله ابحجيهم ما نبالي
مشينا ابخط أهل بيت الرساله وسواهم ما نوالي
عرفنه العسكري أبعصمة كماله بلغ أوج المعالي
علي الهادي ابجهوده بلغ ذروة خلوده
التزمنه ابخط الاثنين نحب العسكريين

[محب الكاظم*]

:55555":


مشكورين على رد احسنتم جزكم خير جزاء

[نجمة البصره]

http://up.f7up.com/uploads/images/f7up-61d2fcc80d.gif (http://up.f7up.com/uploads/images/f7up-61d2fcc80d.gif)

[محب الكاظم*]

مشكوره
اختي
الله يعطيكم الف عافيه على رد الموضوع

[شموع العباس]

http://www.abuaseel.net/dam3at_7ozn/ekccwarat/gzak.gif

[محب الكاظم*]

مشكورين على رد احسنتم جزكم خير جزاء

</i>