لوحة مرسومة بقلم شاعر

[الاء القريشي]

لوحه مرسومه بقلم شاعر ((الى ارض الطفوف)) (http://www.we4iq.com/vb/showthread.php?t=51948)
رسمت للكوفة لوحة وبيهه مصلوب
ميثم عل جذع وتباوع الناس
وكل ظني رسمت السانه مگطوع
طلعت راسم چفوف ويمهه عباس
دوختني لوحتي وشدهت البال
وخلتني أخاف وگظني وهواس
أباوع ع الجذع مو جذع مرسوم
رمح مرسوم عمي وشايل الراس
أباوع ماكو كوفه وهاي الطفوف
مرسومه بلوحتي بأجمل احساس
خيم راسمهه أني ابلا فكر ليش
لأن بيهه يتامه ابلايه حراس
ورسمت الخيل كلهه بلايه رجلين
لأن ما ريد صدر حسين ينداس
ودنيت الفرات بصف الخيام
لجل تروه الخدر غصبن عل انجاس
ودنيت الكفر عن زينب هواي
لأن صعبه عليه اگبالي تنگاس
وللعباس رديت اني الچفوف
لجل يرجع يشيل السيف والطاس
والسبعين الف دنيتهم غاد
وجبت يمي الصحابه الكلهه نوماس
صح سبعين همه انصار الحسين
لچن واحدهم بمليون ينقاس ؟؟؟
ودورت اعله ميثم وين موجود
وگلبت اللوحة كلهه بگلب ملجوم
أباوع ماكو ميثم ماكو الاصحاب
وبعد ما شوف كلشي وخلص اليوم
ولأن الليل صار بلوحتي بساع
ركزت بلوحتي شبيهه مرسوم
طلع مرسوم بيهه الگمر عباس
وميثم والصحابه بصفه النجوم
وركزت بلوحتي هواي يا ناس
وطلع راسم عراق وينزف هموم (http://www.we4iq.com/vb/search.php?do=finduser&u=15271&starteronly=1)
للمزيد من مواضيعي (http://www.we4iq.com/vb/search.php?do=finduser&u=15271&starteronly=1)

[نور المستوحشين]

http://www.abuaseel.net/dam3at_7ozn/ekccwarat/jzakalah.gif

[ابو ياسر الكعبي]

الاُخت الفاضله
(آلاء القريشي)
السلام عليكم
كل لساني
وعجز قلمي
ودارت بيّ الدوائر
وخانني نزيف المشاعر
وذبحني سيف هذا البيت

(ورسمت الخيل كلهه بلايه رجلين
لأن ما ريد صدر حسين ينداس)
فأبكاني بكاء الثكلى
حتى أفقدني صوابي
سلمت يداكِ
ولافض فوكِ

مع خالص تحياتي

الكعبي

[الاء القريشي]

اسعدني وشرفني مرورك الكريم
اتمنى ان تحوز قصائدنا رضاك
لك مني ارق تحية اخي الكريم