احنه نبقى أنصيح آه يم البنين

[نجمة البصره]

واماما واحسيناه واماما واحسيناه
احنه نبقى أنصيح آه يم البنين
وهيه تبقى تصيح يبني ياحسين
......
هـاي أم عبــــاس هاي الطاهرة
عـالحزن والـــضيم ظلت صابرة
جابت العبـــاس سبع الــكــنطرة
ويه زينب عاش كل هاي السنين
.....
من اجت زينب يم حيــدر عـــلي
تــكـــله يـابــو حسين هـذه كافلي
هذه أبو فــــاضل حـــامي محملي
والــــده كــــرار وأمــه أم البنيين
....
غــــذته أمه عالحب والحنــــان
واكتسب منه دروس الـــعنفوان
تـــــابع ألزينب وياهه بكل مكان
ذولي رمز التضحية للــمؤمنين
.....
دخــل كليه الـــــحرب يم حيدره
تـــخرج ملقب بسبع الكـــنطره
تنسبي زيــنب وهــــو مــــادره
وبالنتيجة نــال أحدى الحسنيين
....
علي شحجيلك عن بنت الأصول
ضحت أبعبـــــاس وبأربع فحول
أنت بس تذكره كـــل همك يزول
تقضي الحاجات تسعد كل حزين
........
هيه بالأخـــــلاق نسخة فاطمة
يعني أم عبـــاس إيه من ألسمه
روحه عالحسين ظـلت هــــايمه
والنفس مكطوع من كثر ألونيين
....
همهه عالحسين مو همهه الولد
تصيح راح وليدي جا يمته يرد
هو نور عيوني قطعه من الجبد
ذايبه من الشوك كاتلهه ألحنيين
.....
تواسي الزهراء تبجي وتنتحب
على فرآك حسين شيصبر الكلب
مــــادرت بحسين مذبوح انسلب
والكمر مكسوف باقي بلايه أدين
......

الشاعر
إياد الفرح

[ابو زهراء الغزي]

:55555":

السلام على قاضيه الحاجات ام البنين
رائع والله اختي الغالية
لا حرمنا ولا عدمنا الله جديد ابداعك

[نجمة البصره]

اشكرك اخي على ردك الرائع

[نور المستوحشين]

http://www.islamroses.com/ibw/uploads/post-2-1143412486.gif

[نجمة البصره]

اسعدني مرورك العطر اختي :oilkftr (27):

[علي الشويلي]

سلام الله على مسهلة الامور ام البنين
جزاج الله خير الجزاء

[نجمة البصره]

اسعدني مرورك علي منور