المساعد الشخصي الرقمي

مشاهدة النسخة كاملة : مشكلة الوطن


الاء القريشي
13-05-2010, 05:52 PM
مشكله الوطن مابي شعب مرتاح
ومشكله الشعب مايكدر يعوفه

احبك يا وطن لو بيك الف جلاد
وحبك لوجرح كتال ما اروفه

حبك نار بيه واشتعل بالنار
وانه ابنار حبك روحي ملهوفه

تطيب جروح غيرك ياعراق الخير
وانت جروح كلبك لسه مكشوفه

حرامات الوطن ينزف مهج وارواح
وبي قبه علي والوادم تشوفه

يامسلم زمانك والوكت غدار
دشوف اثار مسلم لسه بالكوفه

وعاين على الفرات شسوه بي عباس
شك روحه النهر وانتحرت جروفه

عدنا من الشجاعه امثال تلوه امثال
كلها ابشيمه العباس موصوفه

وعدنا اول مضيف معزب الخطار
دك ساسه الحسن من جود معروفه

وياحاتم زمانك والشعب جوعان
خاطرماكسر فد يوم لضيوفه

يبو عيون الشهل خليني اسولف بيك
واحجيلك عليه شلون سالوفه

عشكتك بالزغر من طحت فوك الكاع
روحي من الطفوله وياك مشغوفه

حبيتك رغم كل الجروح البيك
وقبلت الجفوف الباست اجفوفه

روحي ابحضرتك طافت على الشباج
يا اجمل ضريح الوادم اطوفه

واحلفك يا وطن تمسح دموع الناس
خطيه دموع شعبك تضلمذروفه

نجمة البصره
14-05-2010, 10:18 PM
مشكوره الله يعطيك العافيه:65:

محـب الحسين
18-05-2010, 10:08 PM
كلمات جميله
أحسنتِ يامبدعه
بأنتظار جديدكِ

ابو زهراء الغزي
20-05-2010, 09:43 PM
روعه والله عاشت ايدك اختي الغاليه

ميثم التمار
23-05-2010, 11:34 AM
همست حروفك الراقية وابدعت
مشاعر تفيض رقة وروعة
حين يمتزج الالم بالحب
وتتصارع احاسيس الامل والياس

الاء القريشي (http://www.ahbabhusain.com/vb/member.php?u=5331)
دمت بهذا الأبداع المتميز