المساعد الشخصي الرقمي

مشاهدة النسخة كاملة : الی وادي السلام//// من الشعرالشعبي


ابو ياسر الكعبي
21-05-2010, 01:55 PM
الی وادي السلام


علّـمتني أبچي عله افراکگ

بچي المفطوم من ایفارگ اُمّه

ویرسم الدمعه إعله خده

وعلمتني الحزن یعني اشطوط

شط ینگص ابجزه وشط یفیض بزود مدّه

وعلمتني الدمه یعني إحساس مُرهَف

یعني فاض الصبر عن حدّه وتبدّه

علمتني الدمعه یعنی إلسان ناطق

یذبح البسمه إعله حدّه

وعَلمتني العطش من یشرگ عله جفون الغریب

إیبات ذیچ اللیله وحده ؟

وگتلي من تلجم اجروحک وك بدیك إلچم جروحك

جرح البغیرك شَدِخ محّد یشدّه

وگتلي جرحك من یِفك حلگه ویمد إیده

إعله صبرك ؟

يعني جرحك وگف ضد صبرك تِحَـدّه

وگتلي من اتصوفر الحیّه إیْتِـلَمّظ

ینزع العربید جلده

وگتلی إزرع طیب تحصد طیب

والشر شر تحصده

وسولفتلی اشکثر عن عشگ المناجل للحصاد

وعن اُبوك وگبله جَدّه

وگتلي یبني ........

عامر ایضل المضیف وباب دیوان الکرم بالك تِسدّه

وعَلمتني ادروش عن عشگ الولایه

وگتلی معناها الولایه حیدر اتوالیه وَحده

وگتلی یبني ........
الدین معنه الدین حیدر یعني بس حیدر یِجسده

وگتلي حیدر صَنعة الله

يعني عبده وابن عبده ؟

وگتلي حیدر لو غضب

یعنی الله یغضب

وگتلي حیدر یبني متنصّب ابمنصب

گتلي حُواف الخلافه امن السقیفه اتنصّبوا

بس حیدر إمن الرب تنصّب

وگتلی یبني اتشوف کل هاي الشرایع

یبني کل هاي الشرایع زَلَگ

عِد حیدر العِـبره


چَـلِّـب ابحبل الولایه ولاتهدّه



ابویاسرالکعبی

محـب الحسين
21-05-2010, 03:17 PM
قصيده رااائعه
طيّب الله انفاسك اخي ابو ياسر
دمت ودام عطاؤك

ابو ياسر الكعبي
22-05-2010, 11:42 PM
قصيده رااائعه
طيّب الله انفاسك اخي ابو ياسر
دمت ودام عطاؤك
الحبيب الرائع

:65:
:65:محب الحسين:65:
:65:

أبقاك الله لي اخاً واستاذاً

أستقي من مروره

أعذب القوافي

نجمة البصره
23-05-2010, 05:12 PM
مشكور على القصيده

ننتظر جديدك المبدع :65:

ابو ياسر الكعبي
23-05-2010, 08:38 PM
كل الشكر
لاخت الفاضله
نجمة البصره
على مرورها الكريم