تويت
يا اجمل قصيدة بصفحة الدلال ...... بيها احلى المعاني بكل حرف مطبوع
ويا انقى وزن بحروف هالجلمات ...... ويالاسمك قوافي وكل حرف ينبوع
ينبع منه رحمة وهم هداية ونور ....... وكوثر صارت ابياته وعليها ادموع
ترسم هالدموع انوار تبني انوار ...... اســـــــمك يا حسين البلكلب مزروع
***********
انت اسمك يا شهيد الطف ظياء ..... وخطة رب الكون يحسين بسماه
ولجلك انت الكون صار بكربلاء..... ابجفك الطاهر يبو اليمة حواه
يعني بيك اتجسدت كلمة عطاء .... ومنك انت الدين روة كل ضماه
*************
انت خط العدل يا حيدر اكيد ..... ولليبغضك يا علي بي ينكسر
وانت بيدك يا علي اتخط الصراط ..... ولليحبك جفك يصير الجسر
فلذلاك صارت الجنة برضاك ..... وكل عسر من حبك يصير اليسر
**************
انت سيف ودرع للهادي الرسول ...... وانت نور الدين والدين بحمــاك
وذو الفقارك يا علـــي بيه الدليل ..... جم درع جم سيف يترجن رضاك
يعني بيك النور يا حيدر يلوذ ..... والظـــــلام يفر يحيدر من ضـواك
***********
خادم اهل البيت عليهم السلام
احمد رفيش
تعليق