على الواست ولينه

[محـب الحسين]

القلب يلهب ونينه ... على الواست ولينه

الاصيله ام الوفه الحره ... الوفت لحسين والزهره

على الواست ولينه
ــــــــــــــــــــــــــــــــــــــــــــــــــ ـــــــــــــــــــــــــــ

هاي النذرت سنين العمر لحسين .... وما دكت صبرهه مكدرات البين

فاضت بس لبو السجاد منهه العين ... وما همهه الضنى وااهات تعب سنين

تنادي هم يجينه ... ابو اليمه ويقينه

صبرهه من الوصي وصبره ... الوفت لحسين والزهره

على الواست ولينه

على اعتاب الهضم جن الحزن ليله ... وذابت بالمدامع للصبر حيله

يا جفني على ذكراها الدمع سيله ... واهدي العبره لام الحادي وانويله

فداكم يا ولينه ... يبن حيدر علينه

نواسي بفكدة الدره ... الوفت لحسين والزهره

على الواست ولينه

يم البالشدايد حيله من كرار ... يضل حبج لوانه وتفتديج اعمار

يامن من ضناهه اضحت خليه الدار ... لاجل عين الزجيه وعين حامي الجار

وحزن عم المدينه ... بمصابك ياولينه

عليهه جروحي مستعره ... الوفت لحسين والزهره

على الواست ولينه

ابنج يالاصيله تفرح علومه ... خبط صافي الطفوف وجال بالحومه

وفه لجفين لاجل حسين ونعومه ... وسبع تنعام راعي الغيره من يومه

المواساة بسعينه ... على ام حادي الضعينه

الابنهه جفوفه عالغبره ... الوفت لحسين والزهره

على الواست ولينه

موال الحزن يا اهل الحزن بيكم ... ريت بروحي وبدم نحري اوفيكم

واانه مكصر شما ارد اصد ليكم ... الاهل والروح يا اهل الرحمه تفديكم

على ممشاكم مشينه ... العمر الكم سنينه

وعليهه الروح متكدره ... الوفت لحسين والزهره

على الواست ولينه

منقول

[ابو زهراء الغزي]

:65:
:65:
:65:

بوركت اخي الغالي وعاشت الايادي
لنقل هذه الابيات لا حرمنا الله
جديدك تقبل مروري

[محـب الحسين]

حياك الله اخي العزيز ابو زهراء
مسرور لمرورك الكريم

[ابو محسد]

بسم اله الرحمن الرحيم
قصيدة رائعة ومعبرة
بوركت اخي لنقل القصيدة وبورك عطاءك
اخوك الشاعر ابو محسد

[محـب الحسين]

اخي الكريم ابو محسد
سُرِرتُ كثيرا بمروركم الكريم