المساعد الشخصي الرقمي

مشاهدة النسخة كاملة : ومضات شعريه


نجمة البصره
03-06-2010, 09:05 PM
البارحه بيدي طفيــت الشموع
وكلبي هددته وحلف ما يثق بيك

والبارحه

شكد بجيت وخلصت كل الدموع
وقررت للدوم ما ابجي عليك
############################
مو بيدي .. العشگ يسري بحنايا الروح
و من شفتك حبيب الروح سميتك

حسيتك قريب واغلى كل الناس
و لا چنك غريب و هسه لاگيتك

و مو سكته و دفن حبيتك و خجلان
كل الناس تدري بيوم حبيتك
############################
فصلت البشر سويتهم تمثال
و انت الروح بالتمثال خليتك

حجر كل البشر بس گاموا يحنون
قطرة نطيتهم من بحر حنيتك

يا نهر العشگ يا سلم الافراح
عطشان و حزين و واگع و جيتك



##########################
الورد لو شم عطرك يكفر بدنياه

ويعوف الحديقه ويغرس بعودك

يمعود دخيلك حن عليه شبيك

مو ذبلت اشفافي بشوفت خدودك
###########################
حبيبي بشفتك ما ابوس إنوب

وإذا بستك أكضي البوسه خايف

لأن شيكضها روحي وهنه جكليت

وإنت شلون تبقه بلا شفايف
##########################
اسمع مني زين يفلان
مو اني الينكال عليه بطران
انا ابن العراقية الكلها وفة وحنان
انا ابن العراقي المشتعل نيران
انا من اسولف اصفن الوجدان
انا من اثورن انفجر بركان
انا الكلي شهامة ونبع ريحان
انا ابن الوطن اليسوى كل الاوطان
############################
اذاعني رحت كلي انه اروح اوياك
لان كلك جزء بس عايش بكلي
واذامره شفت وياك ظل يطوف
موظلك حبيبي وداعتك ظلي
اغار عليك من طولك وظلاك
شجاك شغير طباعك وظلاك
انا المفتون بعيونك وظلاك
مثل ظلك عليك يدور فيه
############################
جرى مني العمر يجري
وكم مر من الوقت لا ادري
وقفت اجني ثمار تعبي
وجدت نفسي في البر مرمي
الى من اشكو فيك اجبني
ما كنت اعلم ما كنت تخفي
تركتني حافي القدم ولم تكتفي
و القيتني على اشوك هي في ارضي
#############################
عليمن لاتهل غمض يهلـــــهل
شجاكم صرتو كالحنضل يهلهل
اخوي بلبت احزاني يهلـــــهل
اذا شامت سمع شيصير بية
############################
امك ماتعزك مثلي بالعباس ومن كد ما احبك روحي ذبلانه تدري اشكد احبك وانت ماحسيت اعز من عندي انت وحتى من انه
#########################
تغيب الروح بغيابك واردها
كتاب جفاك من عندك وردها
روحي بفركتك يذبل وردها
شمس انت وتنور الدرب ليه
##########################
تزعلني ، واحبك ، وانتشي بطرواك
وروحي اتذوب لهفه .. من اسمع اشعارك

يا كلشي انت عندي ..وكلشي انت وياي
عاين على جروحي ويكفي اعذارك

مو تدري الوصية اتلوح .. سابع جار ...؟؟
يا جيران گلبي ..شبيك وي جارك ..؟؟
#########################
كلبــي مافــــــرح عكبك ولا سار ..
وجدمي ماخطى لغيــرك ولاسار ..
أخبــرك مابقت كلمـه ولا ســـــر ..
فضحني الشوك والحب موبديــه ..
#######################
عيونك دوختني اشلون وياك
اصبر الروح عنك كوة كاعد
واذا ستة منك عندي كتلة برلمان
اشكل اني الحكومة بست مقاعد
######################
كلبي انت ملكته وانت حربه
وابد مايوم حارب وانت حربه
اجيتك جسد يمشي وانت حربه
ضل كطع لمن ترضه عليه
#################