صدكَـ يابصره ؟

[محـب الحسين]

-- صدكَـ يابصره --


صدك شطك يبصره امزاعل الماي؟
وصدك من العطش تبجي البساتين؟
صدك تاه الدليل وضيّع الراي؟
وشلّه مركب هوانه ونام عل طين؟
وصدك حملك وكَع ويريد تجاي ؟
لجن اهل البخت كلهم مساجين؟
صدك درب الكلافه ماله شرّاي؟
وعله دروب المشوا بعدج تتانين؟
صدك طولج كصر ويريد مشّاي؟
اذا ردتي اعله صفحتكم تعبرين؟
صدك حيلج وكَع والتطلب اهواي؟
وتغفين اعل حدج من تنطرين؟
صدك كدروا عليج وحكموا اعداي؟
وانه الظنيت عمرج ماتذلين؟
كبر حزنج عليج وصار نهاي
وحلف بجفوف سعدج ماتصيرين
غدوا اهلج ضعن والموت حداي
وانتي مهدله ودومج تلطمين
صدك عشارج ابلواه محتار؟
وصدك حزنان يبجي حي الحسين؟
صدك بطّل بعد سيابج اشعار ؟
وهده لنار الزعل كل الدواوين؟
وايامج لطم عاشور جن صار؟
وجن هسّه انكتل يابصره الحسين؟
صدك بيج الجهال ابساعت العيد؟
يعايدها الدمع ويجرح الخدود؟
وصدك محد يحط عيديه بالايد؟
وشباج الفرح ليهسه مسدود؟>>


> >


ابو زيدون الوائلي الاهوار1993

[اريج الجنه]

جميل جدا
احسنت الطرح اخي الغالي العزيز

[وفاء للحسين]

وايامج لطم عاشور جن صار؟
وجن هسّه انكتل يابصره الحسين؟
صدك بيج الجهال ابساعت العيد؟
يعايدها الدمع ويجرح الخدود؟
وصدك محد يحط عيديه بالايد؟
وشباج الفرح ليهسه مسدود؟>>

***** ***** ******
نعم صدك....كل هذا الحجي صدك .....(باللهجة العراقية الدارجة)...
تسلم الايادي اخي العزيز المدير العام المحترم (محب الحسين)....
لا حرمنا الله ....

[ابو محسد]

بسم الله الرحمن الرحيم
الله الله قصيدة رائعة بالبصرة الحبيبة سلمت يداك وسلمت يد الشاعر
وان شاء الله بصرتنة تعود اليها بهجتها
اخوكم الشاعر ابو محسد

[محـب الحسين]

شكري وتقديري لكل من مرَّ هاهنا
مسرور لمروركم أحبتي
حياكم الله

[نجمة البصره]

مشكور الله يعطيك العافيه على الكلمات الرائعه

ننتظر جديدك المبدع :65:

[محـب الحسين]

حياكِ الله اختي الغاليه
منوره