خدام الطغاة تموت تروح /للشاعر :شاكر الشمري

[الاء القريشي]

خدام الطغاةتموت وتروح00

********************
لا تسال علينه شلون ومنيـــــــن
خداماحنه اسمنه لسبط طـــــــه

خدام ونظل للمــــــوت خـــدام
وخدمتنــــه شرف بيهه انتباهه

منصتنــه لحسين وتاج عالراس
وشرف كلمن صعدهه وعتلاهه

ومو احنه الدخيل بخدمة احسين
بغفلــــه من الزمن طبوأجاهه

كتبناهه القصيده بوكت مشؤوم
لا مـــــــو باليسر وكتالنفاهه

شاعرنـــــه كتبهه وبايع الروح
وجه الرادود من دمــــه قراهه

ولاعدنه قلم مجد طواغيــــــت
نبوس اجدامهه ونامل رجاهــه

خدام الطغاة تمــــــوت وتروح
وخدام الحسيـــــن ايرف لواهه

قصايدنه شجر مزروعه بالكاع
وباجر بالحشر نقطف جناهــــه

امس دعبل كتبهه ودخل تاريخ
ومدى الاجيال ظل فايح شذاهه

قراهه وشال تابوته على الراس
يدور عالمنيه ومالكاهــــــــــــه
بقصيدتنه مواقف تشهـــدالساح
لوت جف الزمان وما لـــــواهه

جانت عالمنابر توكف اتصيـــح
جلمه وما اظن واحد نساهــــــه

ابد والله ماننساك يحسيــــــــــن
ولعنان السمه يوصل صداهـــه

عدنه اقلام خطت احرف بنــــور
ومن حيدر علينه يشع ضواهــه

واقلام النفاق انختمـــــــت بعار
ولعنات الزمن تركض وراهــه

وتبآ للقصيده العافت احسيـــــن
ظلت بايره ومحد خذاهـــــــــه

وهاي آخر حجايه وأختم البيت
غصبآ عاليضد والمارضاهـــه

فدوه للجفوف الخدمت احسيــن
والخدمــت ظلــم آها مداهــــــه
**********************

[ابو محسد]

بسم الله الرحمن الرحيم
شكرا لك يا آلاء القريشي
وبوركت ِوبارك الله بالشاعر الشمري
قصيدة رائعة
الشاعر ابو محسد

[نجمة البصره]

مشكوره ياورده :65:

[محـب الحسين]

قصيده راااائعه
أحسن وأجاد الشاعر الشمري
وجزاك الله أحسن الجزاء لنقلكِ إياها
دمتِ لنا اختنا الفاضله
ودام عطاؤكِ

[ابو ياسر الكعبي]

كما عهدتكِ دائماً

رائعة ومتميّزة

بكل شي

وخصوصا

بإنتقاء القصائد

كيف ولا وانتِ

نار على علم

بوركت وبورك شاعرها


تقبّلي مروري البسيط