المساعد الشخصي الرقمي

مشاهدة النسخة كاملة : علامك ياوطن


الاء القريشي
15-06-2010, 04:08 PM
علامك ياوطن شـو تعثـر ابممشـاك

اسم الله عليـك مـن عيـون حسـادك

عبـيـد الحررتـهـم فـــي سـبـيـل الله

رادت وگعـتــك وتـصـيـر اســيــادك

خسو كلهـم وحگك صفنـة البركـان

ثـوره ومــن تـثـور ايـمـوع حــدادك

ياطوفانهـا ومـامـش جـبـل مـامـون

يـــــارداد كـلــهــا او انـــــت ردادك

علامك يالچنت سابوگ كل سابـوگ

وسفه اويه التطيح ايصير مطـرادك

ياصيادهـا اشـفـر الـوكـت مگلــوب

والعفـيـت عـنــه ايـصـيـر صـيــادك

علامك ياوطن جاوبني وين الصوچ

وعذرك مـن تگول الصـوچ بـولادك

بـعـدك مـامـتـت وتـقـسـم الـمـيـراث

يـا اطيـب ابـو ولا مــن ابــن فــادك

يادفتـر حـضـاره وبـاعـو الچلـمـات

ردت بــس الـجـلاد وبـاعـو جــلادك

شيلـم كبرتـك ونـت ابوسـط شمـات

والشـمـات تضـحـك حـيـل بچيــادك

بـطـل يـاوطـن وبـنـك كــلاه الـذيـب

وبنـك لــو عــدل مبـخـوت مــارادك

اسـكـت لاتـــون لايعتـنـيـك الـذيــب

يطـلـب ثــار چان ايـخـوّف ازنــادك

عـلامـك مـوچنـت شـبــاچ لـلــزوار

هـسـه مــن الـيــزور ادوّر امـــرادك

اعرفـك ياوطـن ياتـاج كـل الــروس

لازم بـيـك گومــه وتشـلـع اوتـــادك

والخـان الملـح والـزاد خـل ايــروح

ابــنــك يــاعــراق الـيـحـتــرم زادك


ابنك ياعراق اليحترم زادك



منقول

محـب الحسين
15-06-2010, 04:24 PM
علامك ياوطن جاوبني وين الصوچ

وعذرك مـن تگول الصـوچ بـولادك


قصيده مؤثره فعلا
أحسنتِ الانتقاء اختي العزيزه
نسأل الله تعالى بأن يعيد عراقنا الحبيب مزدهرا

ابو محسد
15-06-2010, 11:01 PM
بسم الله الرحمن الرحيم
بوركت يا الاء ويسلم ذوقك على نقل هذه القصيدة
رائعة بحق
الشاعر ابو محسد

ابو ياسر الكعبي
21-06-2010, 05:40 PM
والخـان الملـح والـزاد خـل ايــروح

ابــنــك يــاعــراق الـيـحـتــرم زادك

:65:
أجاد شاعرها

واحسنت ناقلتها

صاحبة الذوق الارفع

تقبلي مروري اختي الكريمه