يالمهدي ما انساك

[كوثر المحبة]

http://img469.imageshack.us/img469/174/080dw.gif


راسي بغيابك شاب
كلبي بهيامك ذاب
يبجي بدمع سجاب
حكه عاشك
طار بجنح محروك
هاجر لبحر الشوك
يسال عن المعشوك
ما يفارك
كلبي وي موج البحر هاجر لمحبوبة
بدمعة اشواكه وهيامه وياه مصحوبة
******************************

أ بكل حلم موجود طاريك على بالي
حبك يهل المعشوك سهرني الليالي
أسمعها هاي الروح تصرخ آآآآ يا غالي
حتى الصخر مشتاك بدموعة اعتنالي
يالمهدي ما انساك
بحلامي دوم الكاك
كلبي يريد وياك
ما يفارك
لو يصير ذنوب حبك ما يعوف ذنوبه
كلبي وي موج البحر هاجر لمحبوبة
**************************

******************************
متعجبة ليش الناس من كلبي وحناني
عاشك حبيب وغاب عن عيني ونساني
حكه الكلب يشتاك ويعيش بأماني
ينطرله ليل نهار ولجيته يتاني

ليلي ونهاري أرثيك
روحي وحياتي انطيك
دمعي بحزن يبجيك
ما يفارك
هذا ثوب الي يحب ما يبدل ثوبه
كلبي وي موج البحر هاجر لمحبوبة
***************************

******************************
كلبي بدموع الشوك مافارك نحيبه
يبجي لمغيبه بنار ويحركه لهيبه
صارت على العشاك هالقصة عجيبه
ما غيرك يا مولاي بالدنيا طبيبه
اهل العشك يدرون
بيك اصبحت مجنون
بغيابك ابجي عيون
ما يفارك
انه من حبك صَدك ما أكول التوبه
كلبي وي موج البحر هاجر لمحبوبة

*****************************

[ابو محسد]

بسم الله الرحمن الرحيم
بوركت يا روز ورعاك الله
اللهم ارنا الطلعة البهية
الشاعر ابو محسد