تويت
انـت يـا دم الكلـب هـذا الجـره
انت روحه التنبـض بجـواه تـره
والله لو بالطف جنت حاضر تشوف
والله لو بالطف جنت حاضر تشوف
الّه افـرش جلـدي لجدامـك ثـره
الّه انزع روحي يمـك يـا حسيـن
الّه انزع روحي يمـك يـا حسيـن
هـاك اكلـك هالـدرع وشمزغـره
الّه اصب ايام عمري عله الطفـوف
الّه اصب ايام عمري عله الطفـوف
صدري اخسفه من اللطم عاللي جره
وشهك ال سابع سمه واطحن ضلوع
وشهك ال سابع سمه واطحن ضلوع
من اشـوف ضلوعـك المتكسـره
طاسه من جلد السمه الدمك اجيـب
طاسه من جلد السمه الدمك اجيـب
حين المّـه وخـاف جفّـي يدمـره
كون احط نحري عله نحرك للسيوف
كون احط نحري عله نحرك للسيوف
لا اشوفن جمسـك ايحـز منحـره
الّه اكطّع روحي يم شمـر اللعيـن
الّه اكطّع روحي يم شمـر اللعيـن
سيفه ابلعه وحتّـى ابلـع خنجـره
لو الف مره انذبح بـس لا اشـوف
لو الف مره انذبح بـس لا اشـوف
لوعتـك يبـن الزجيّـه الطاهـره
من اشوفك تنجرح اركـض وشيـط
من اشوفك تنجرح اركـض وشيـط
وانـده العبـاس سبـع الكنـطـره
كوم اكلّه حسيـن نايـم عالتـراب
كوم اكلّه حسيـن نايـم عالتـراب
تدري اخوك حسين كطعو خنصره؟
تدري زينب يم خيمهه شكد خيول؟
تدري زينب يم خيمهه شكد خيول؟
نـار بذيـال العقيلـه مـوجـره!
ترضه زينب يزمخ عليهه الجّبـان؟
ترضه زينب يزمخ عليهه الجّبـان؟
وانت تدري اشكد عزيـزه مخـدره
زينب تصيّح يحيـدر بويـه كـوم
زينب تصيّح يحيـدر بويـه كـوم
انفـض ترابـك دعـوف المكبـره
زينب الوحدهـه تصـرخ ياحسيـن
زينب الوحدهـه تصـرخ ياحسيـن
كام اخوك وطاح كسـرت خاطـره
ورد اركب جفوفه اشدهن عالزنـود
ورد اركب جفوفه اشدهن عالزنـود
ورد احـط بجفّـه كبضـة باتـره
ورد اشوفن من يظل من الجيـوش
ورد اشوفن من يظل من الجيـوش
من يجي العبـاس سبـع الكنطـره
مما اعجبني
تعليق