تويت
سـايل وچفي تـدگ ...... بـاب الـرجه وانتظـر
اتـرجه چف الکـرم ...... يفتحلي بـاب اليسـر
طـالت الوگفه عَلَيْ ...... وضكّتني ساعت عسر
اجفوني طبگها التعب ...... واخذتني صفنت فکر
عالعتبه روحي غفت ...... ماجزعت امن الصبر
حنّت ونامت رغد ...... ويـاها حَـن کل کتر
إليـاعالم اتوجهت ...... روحي ابقطـار العمر
اخذتني نومت تعب ...... وطيوف شفت اشکثر
اربع کـواکب شفت ...... متگـبعـات ابـّدر
إلها الأفلاک انحنت ...... متبسّـمه وتـعتـذر
شفت السمه امـزيَّنه ...... تمطـر انجوم الظهر
بالعرش مدري اشجره ...... اسمع مديح او ذکر
امـلاک تحمل مهـد ...... امـلاک تسجد شکر
اسرافيـل مره يجي ...... جبريـل مـره يمر
وهاتف هتف بالسمه ...... الليله الذنب ينغفر
انياک الکرم نوَّخت ...... والخير زاح الفـگر
وي فلک نوح ابحرت ...... کل النجـوم الزُهُر
موسی الکليم او بعد ...... روح القدس والخضر
کل الأنوار انـزلت ...... تتـرقب وتنتـظـر
ناداهـم المصطفـه ...... وبچفـه شايل سِفر
هـاليلـه ربنه إذن ...... ينولـد تـاسع فجر
شع عالکواکب گمر ...... وجه الجواد الطهُر
ابوياسر الكعبي
تعليق