صبر زينب عليها السلام

[اريج الجنه]

http://ss7mm.com/up//uploads/images/ss7mm-c0f2bdd11d.jpg (http://ss7mm.com/up//uploads/images/ss7mm-c0f2bdd11d.jpg)



السلام على قلب زينب الصبور


قصيدة (( صبر زينب عليها السلام))


خادم أهل البيت عليهم السلام
محمد عريبي حبيب السعدي 26 /8/2008م
حملتي اهموم بزغر سنج
وأبد ماينحمل همج
لجنج صابره اعله الضيم
مثل الطاهره أمج (( المستهل))
ــــــــــــــــــــ
بخمس سنين من عمرج
فكدتي المصطفى جدج
وفكدتي الوالدة الزهره
بفكدهه اللي حنه ظهرج
ويوم تسوطعش رمضان
أجره من الجفن دمج
مثل الجبل ضليتي
وصبر أيوب مو مثلج
ــــــــــــــــــــــ
حملتي أشجان فركاهم
وعشتي مـدلـله وياهم
يزينب إنتي سلواهم
حنانج هوه غذاهم
وصرتي الوالدة لحسين
أخيته والنعم منج
ـــــــــــــــــــــــــ
يبت حيدر علي الكرار
أخوتج والنعم منهم
رفعة راس شوفتهم
وكل الزود من عدهم
رب الكون خلدهم
مناير بالعرش إلهم
هنيئاً لليناصرهم
يفوز بجنة الفردوس
وشفاعة ينال من جدج
ــــــــــــــــــــــ
إلج تاريخ يشهدلج
بطولة مسجلة الذكرج
وكفتي بكربلة ويه حسين
يشد العزم من عزمج
وأذكرج من طلبتي الماي
من عباس الكفل ضعنج
يكلج آمري يختي
أجيب الماي بعيوني
يزينب حيدر أوصاني
الهذا اليوم رباني
أحمي عيالج وخدرج
وأفدي حسين أنه بروحي
ونسيم الريح ميمسج
ــــــــــــــــــــ
إنفجعتي من وكع عباس
صريع مكطعه جفوفه
عفه كلبج يبنت المرتضى اشيحمل
يمن بالشدة معروفه
وبعد أفجع مصيبه عليج
شفتي حسين ذبيح مسلبه إهدومه
وشفتي اعله الرمح راسه
وهجموا عالمخيم هجمه ميشومه
وأخذوكم سبايا المجلس إبن زياد
كثر همج يزينب طبت الكوفة
لأنج بالخدر مضروبة الأمثال
وماواحد سمع صوتج وخيالج محد يشوفه
ـــــــــــــــــــــــ
مو حكج يبنت المصطفى تريبين
لأن زحمة عليج وإنتي مكشوفة
كل كصده إبن الدعيه رايد إيذلج
لجنج باقية اعله الراس مرفوعة
ويزينب إنتي البقيتي
غصبن عالكصد ذلج
ونبقه نطوف بالحضرة
وناخذ طيب من عطرج
ـــــــــــــــــــــــــــ

[ابو زهراء الغزي]

جميل جدا ما ابدعتي به اخت اريج
تقبلي مروري

[اريج الجنه]

انرت اخي العزيز