تويت
يــاهو يكـدر زينبه يحـاجيهه
اوكـربله عبـاس حـاضر بيهه
.....
هـذه عبـاس الكفل لاما يعـوف
كـعبه أخته زينـب أوبيهه يطوف
قدملهه الــعين وانطاها الجفوف
يــاهو كــلك زيـنب أمخليهه
....
هـوه وي أخته العقيلة من اجت
مـا أصدك زينــب انه أتسلبت
بس أصدك على فراكك من بجت
لان أنـت إلــي جنت تحميهه
......
ومـا اصدك زينب أصلا تنهضم
ونته يا عبـاس شلتلهه الـعلم
بس أصـدك هيه مـر بيهه الم
ليلة وداعــك حــزن مربيهه
......
زينب مـاطلعت ولا جانت تطيح
أنـت تسمعها كبـل لالا تصيح
هيه بس نـادت حسين يا ذبيح
نـزلت أملاك ألسمه تـواسيهه
.......
زينب مـا راحت سبيه أم الخدر
وفنه يكـدر يحجي وياهـا شمر
وهيه بت حيدر علي وعدهه أمر
تكـلب العـالي على واطيـهه
........
تدري زينب جـانت برتبة إمام
يعني عـدهه أسماء الله العظام
وعدهه جيش الله الأملاك الكرام
وعدهه عبـاس الذي يحاميهه
.....
الشاعر
إياد الفرح
تعليق