للحسين انه انتمــائي لوردت تـــعرف ولائي

[نجمة البصره]

http://www.5h5h.com/upfiles/0sg79382.gif

للحسين انه انتمــائي لوردت تـــعرف ولائي

ما أسومه وما أبيعه أي وحق ضلع الوديعة

يبقى لحسين انتمائي

.......

أنبيعه رادونه ونعــــوفه

وما نجي نزوره ونطوفه

ولا ضــريحه هم نشوفه

وننسه اسمه وكل حروفه

نقـسم بجـــامع الــــكوفه

كلنه نصطف أبصفوفـــه

وكـل ظــلم نرغـم أنــوفه

أنسحكه ونرعبه وندوفه

هــاك اخـــذ اسمع ندائي

........

بخدمتك منبع شرفنه

ومنتهى غـاية هدفنه

وألي ما يعرف عرفنه

مـا نعوفــك ما عفتنه

احنه ردنـــاك وردتنه

أنت بـــالجنة أكفلتنه

شيعة يحسين أقبلتنه

الجمر مـــاهمنه فتنه

خــــــادم وابقى فدائي

.....

أنحبه مـــا نقبل بديـــله

ياهو مثله ومن مثيــله

ضحى للــــــدين ابعليله

وأهله وأطفـــاله وخليله

وأخــته زينــب الـكفيـله

حســين سر الله ودليله

لـــو يذبـحـــوني أجيله

روحـــــي افديله وقليله

جسمي ونفسي ودمائي

.......

يا حسين تعيش بينه

أنت بس انته ولينه

أحنه من حبك خذينه

جنة وقصور وبنينه

للنجاة أنت السفينه

تمطر ألطافك علينه

بس الك احنه انتمينه

ونرفع أبجاهـك أدينه

أنت دائي أو دوائي

.....

ولايتك مـــعدن أصيــل

ما نــعــوفك مستحيــل

أنحبك وعـــدنه الدليــل

شمــا نـضحيـــلك قـليـل

أبروحي ودمي سبيــل

احمد البـــاوي وجليل

لو نعو دمــعي يســيل

يواسي زينب والكفيل

شــاعر وأعلن ولائي

....

أي وحق ضلع الوديعه

نفتخر سمـــونه شيعه

أنعاهد حسين ونطيعه

وحبه بـــالدم ما نبيعه

ابد مــا ننسه الفجيعه

وسهم عبد الله رضيعه

الكمر طايح عالشريعه

جفوفه من عنده كطيعه

اقــــسم بـــرب ألسمائي

...

الشاعر

إياد الفرح